ଚିତ୍ରକୋଣ୍ଡା ( ବିପ୍ଲବୀ ପରିକ୍ରମା ):- ଆଜି ଚିତ୍ରକୋଣ୍ଡା ବିଧାନସଭା ଆସନରୁ ବିଜେପି ସହିତ ଅଖିଳ ଭାରତୀୟ ହିନ୍ଦୁ ମହାସଭା , ଜନତା ଦରବାର ପାର୍ଟି ଏବଂ ଆମ ଆଦମୀ ପାର୍ଟି ତରଫରୁ ପ୍ରାର୍ଥୀପତ୍ର ଦାଖଲ କରିଛନ୍ତି।ଭାରତୀୟ ଜନତା ପାର୍ଟିର ଡମ୍ବରୁ ସୀସା, ଅଖିଳ ଭାରତୀୟ ହିନ୍ଦୁ ମହାସଭାର ପଦିଆ ପଡ଼ିଆମି, ଜନତା ଦରବାର ପାର୍ଟି ର ଲକ୍ଷ୍ମଣ ମାଡ଼କାମି ଏବଂ ଆମ ଆଦମୀ ପାର୍ଟିର ଶରତ ଚନ୍ଦ୍ର ବୁରୁଦା ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଛନ୍ତି। ବିଶେଷ କରି ଗରମକୁ ଖାତିରି ନକରି ବିଜେପିର ପ୍ରାର୍ଥୀ ଡମ୍ବରୁ ସୀସା ନିଜର ପରାକ୍ରମ ଆଜି ମାଲକାନଗିରିରେ ଦେଖାଇଛନ୍ତି , ଡମ୍ବରୁ ସୀସା ନିଜର ହଜାର ହଜାର କର୍ମୀ ଓ ସମର୍ଥକମାନଙ୍କ ସହ ଏକ ବିରାଟ ପଟୁଆରରେ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟରେ ପହଞ୍ଚି ନାମାଙ୍କନ ପତ୍ର ଦାଖଲ କରିଛନ୍ତି।
ବିଜେପିର ହଜାର ହଜାର ସମର୍ଥକ ଓ ଦଳୀୟ କର୍ମକର୍ତ୍ତାଙ୍କ ସହିତ ଶକ୍ତି ପ୍ରଦର୍ଶନ କରିଥିଲେ। ନିଜର ପରମ୍ପରା ବଣ୍ଡା ନାଚର ତାଳେତାଳେ ମାଲକାନଗିରି ଠାରେ ବିରାଟ ଶୋଭାଯାତ୍ରା କରିଛନ୍ତି। ତେବେ ସେ ଆଗକୁ ନିର୍ବାଚନ ଜିତିବା ପାଇଁ ବେଶ୍ ଆଶାବାଦୀ ଅଛନ୍ତି। ଏପରିକି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଙ୍କ ଗ୍ୟାରେଣ୍ଟି ମୁଦ୍ଦା ନେଇ ଲୋକଙ୍କ ପାଖକୁ ପହଞ୍ଚିବେ ବୋଲି କହିଛନ୍ତି। ଗତକାଲି ଉଭୟ ବିଜେଡି ଓ କଂଗ୍ରେସ ପକ୍ଷରୁ ପ୍ରାର୍ଥୀ ପତ୍ର ଦାଖଲ କରିଥିଲା। ବିଜେଡି ପକ୍ଷରୁ ଲକ୍ଷ୍ମୀପ୍ରିୟା ନାୟକ ଏବଂ କଂଗ୍ରେସର ମଙ୍ଗୁ ଖିଲୋ ଚିତ୍ରକୋଣ୍ଡା ବିଧାନସଭା ଆସନ ପାଇଁ ପ୍ରାର୍ଥୀ ପତ୍ର ଦାଖଲ କରିଥିଲେ। ତେବେ ଦେଖିବାକୁ ବାକି କିଏ ଏହି ଆସନରେ ବିଜୟୀ ର ବାନା ଉଡ଼େଇବ।