ବଡ଼ବିଲ ( ବିପ୍ଲବୀ ପରିକ୍ରମା ଡିଜିଟାଲ ):-: ବଡବିଲ ଥାନା ଅନ୍ତର୍ଗତ ମାଟକାମବେଡାସ୍ଥିତ ଇଏସଆଇ ଶାଖା କାର୍ଯ୍ୟାଳୟରୁ ଚୋରି ଘଟଣାରେ ସଂପୃକ୍ତ ୪ଜଣଙ୍କୁ ଗିରଫ କରିବା ସହ ତାଙ୍କ ପାଖରୁ ଚୋରା କମ୍ପ୍ୟୁଟର, ପ୍ରିଣ୍ଟର ସହ ଅନ୍ୟାନ୍ୟ ଜିନିଷ ଉଦ୍ଧାର କରିଛି ବଡବିଲ ପୋଲିସ୍। ଗିରଫ ଅଭିଯୁକ୍ତ ମାନେ ହେଲେ ବଡବିଲ ଦାମୁହାଟିଂର ଦୀପକ ଗିରି, ମୁନା କାରୁଆ ଏବଂ କଳିଙ୍ଗ ନଗରର ସୁନିଲ ସେଠୀ ଓ ଅଭିଜିତ ରାଉତ। ଏଠାରେ ସୂଚନା ଥାଉ କି ଗତ ୧୨ ତାରିଖ ବିଳମ୍ବିତ ରାତିରେ ଦୁର୍ବୃତ୍ତ ମାନେ ଇଏସଆଇ ଶାଖା କାର୍ଯ୍ୟାଳୟ ଭିତରକୁ ପଶି ୪ କମ୍ୟୁଟର ସହ ୨ ପ୍ରିଣ୍ଟର ଚୋରି କରି ନେଇଥିଲେ। ପରଦିନ ସକାଳୁ କାର୍ଯ୍ୟାଳୟର କର୍ମଚାରୀ ଆସି ଚୋରି ହୋଇଥିବା ଦେଖିବାକୁ ପାଇଥିଲେ।
ଏନେଇ ଶାଖା ପରିଚାଳକଙ୍କ ପକ୍ଷରୁ ବଡବିଲ ଥାନାରେ ଅଭିଯୋଗ କରା ଯାଇଥିଲା। ପୋଲିସ ଏହି ଚୋରି ଘଟଣାର ତଦନ୍ତ କରି ସଂପୃକ୍ତ ୪ ଅଭିଯୁକ୍ତଙ୍କୁ ଗିରଫ କରିବା ସହ ଇଏସଆଇ କାର୍ଯ୍ୟାଳୟ ପଛପଟେ ଥିବା ଏକ ଜୀର୍ଣ୍ଣ ଘରୁ ଚୋରି ଜିନିଷ ଗୁଡିକୁ ଉଦ୍ଧାର କରିଥିଲେ।