ମୋହନା ( ବିପ୍ଲବୀ ପରିକ୍ରମା ):- ଗାଁକୁ ରାସ୍ତା ଓ ବିଦ୍ୟୁତ୍ ସଂଯୋଗ ଦାବିରେ ଗଜପତି ଜିଲ୍ଲା ମୋହନା ବ୍ଲକ କାର୍ଯ୍ୟାଳୟ ଘେରାଉ କରିଛନ୍ତି ୪ ଗ୍ରାମବାସୀ l ଡମ୍ବଗୁଡା ପଞ୍ଚାୟତ ନିଲ୍ଡିକୁଆ, ଅଡବା ପଞ୍ଚାୟତର ଆଦର୍ଶ ସାହି, ବlଡେଗୁଡା ପଞ୍ଚାୟତ ବୁଢ଼ାକୁଆ ଗ୍ରାମକୁ ବିଦ୍ୟୁତ୍ ସଂଯୋଗ ଦାବି କରିଛନ୍ତି ଗ୍ରାମବାସୀ l ଏଥିସହ ନିଲ୍ଡିକୁଆ ଗାଁକୁ ପ୍ରଧାନମନ୍ତ୍ରୀ ସଡ଼କ ଯୋଜନାରେ ରାସ୍ତା ନିର୍ମାଣ ପାଇଁ ଦାବି କରିଛନ୍ତି ଗ୍ରାମବାସୀ l
ସ୍ଥାନୀୟ ହାଇସ୍କୁଲ୍ ପଡ଼ିଆରେ ସମବେତ ହେବାପରେ ଏକ ଶୋଭାଯାତ୍ରାରେ ବାହାରି ବ୍ଲକ କାର୍ଯ୍ୟାଳୟ ରେ ପହଞ୍ଚି ଥିଲେ l ବ୍ଲକ କାର୍ଯ୍ୟାଳୟ ଆଗରେ ବିକ୍ଷୋଭ ପ୍ରଦର୍ଶନ ପରେ ବିଡିଓ ଙ୍କୁ ଦାବି ପତ୍ର ପ୍ରଦାନ କରିଛନ୍ତି l ସେମାନଙ୍କ ଦାବି ପୂରଣ ନହେଲେ ଆଗମୀ ନିର୍ବାଚନରେ ଭୋଟ ବର୍ଜନ କରିବାକୁ ଚେତାବନୀ ଦେଇଛନ୍ତି ଗ୍ରାମବାସୀ l