ବାରିପଦା ( ବିପ୍ଲବୀ ପରିକ୍ରମା ):- ବାରିପଦା ପୌରପାଳିକା ଅନ୍ତର୍ଗତ ୱାର୍ଡ ନମ୍ବର ୧୮ ଏବଂ ୨୬ ସ୍ଥିତ ଭୁଗୁଡ଼ାକଟା ଠାରେ ମା ‘ ଶୀତଳା ଚଣ୍ଡୀ ମନ୍ଦିରର ବାର୍ଷିକ ପୂଜା ଉତ୍ସବ ଅନୁଷ୍ଠିତ ହୋଇଯାଇଛି I ହଜାର ହଜାର ଭକ୍ତଙ୍କ ସମାବେଶରେ ଦୁଇଦିନ ଧରି ମା’ ଙ୍କ ପୂଜାଵିଧି ପାରମ୍ପାରିକ ରୀତିରେ ହୋଇଥିବା ବେଳେ ୮ଓ ୯ ତାରିଖ ଦୁଇଦିନ ବିଭିନ୍ନ ସାଂସ୍କୃତିକ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି।ଏହି ଅବସରରେ ପ୍ରଥମ ସନ୍ଦ୍ୟାରେ ମୁଖ୍ୟ ଅତିଥି ଭାବେ ପୂର୍ବତନ ଉପବାଚସ୍ପତି ସାନନ୍ଧ ମାର୍ଣ୍ଡି ଯୋଗଦେଇଥିବାବେଳେ ମଞ୍ଚରେ କାଉନସିଲର ଅନୁରାଧା ମହାନ୍ତି,ସବିତା ପାଲ, ଭାଗ୍ୟଲକ୍ଷ୍ମୀ ନାଏକ,ଏବଂ ପୂର୍ବତନ କାଉନସିଲର ଦର୍ପ ନାରାୟଣ ପାଲ ପ୍ରମୁଖ ଉପସ୍ଥିତ ରହି ସାଂସ୍କୃତିକ କାର୍ଯ୍ୟକ୍ରମ ରେ ଭାଗ ନେଇଥିବା କଳାକାର ଏବଂ କମିଟି ସଦସ୍ୟ ମାନଙ୍କୁ ଉତ୍ସାହିତ କରିଥିଲେ।ତେବେ ପ୍ରଥମ ସନ୍ଧ୍ୟାର ଏହି ଡ୍ୟାନ୍ସ ସାଂସ୍କୃତିକ କାର୍ଯ୍ୟକ୍ରମ ରେ ସଂଜୀବ କୁମାର ରଣଜିତ, ସରୋଜ କୁଁଅର ଓ ଆରୋହୀ ଅର୍ପିତା ଦେ ବିଚାରକ ଭାବେ ଯୋଗ ଦେଇଥିଲାବେଳେ ଆଲୋକ ବାରିକ ମଞ୍ଚ ପରିଚାଳନା,ଫରେନ ଧଡ଼ା କାର୍ଯ୍ୟକ୍ରମର ସଂଯୋଜନା କରିଥିଲେ I
ସେହିଭଳି ଦ୍ୱିତୀୟ ସନ୍ଧ୍ୟାରେ ମଞ୍ଚରେ ସଂଘର ଅଧ୍ୟକ୍ଷ ଚନ୍ଦନ ହେମ୍ବ୍ରମ ଅତିଥି ଭାବେ ଉପସ୍ଥିତ ରହି ନୃତ୍ୟ ପ୍ରତିଯୋଗିତାରେ କୃତିତ୍ୱ ଅର୍ଜନ କରିଥିବା କଳାକାର ମାନଙ୍କୁ ପୁରସ୍କୃତ କରିଥିଲେ।ତେବେ ଏହି କାର୍ଯ୍ୟକ୍ରମ ରେ ମା’ ଶୀତଳା ଚଣ୍ଡୀ ଯୁବକ ସଙ୍ଘ, ଭୁଗୁଡ଼ାକଟାର ସମ୍ପାଦକ ଧରମଜୀତ ସିଂହ, ସଭାପତି ରବୀନ୍ଦ୍ର ମାହାନା, ତଥା କର୍ମକର୍ତ୍ତା ମାନସିଂ ଟୁଡୁ, ଦେବ ନାରାୟଣ ଧଡ଼ା, ତପନ କୁମାର ମହାପାତ୍ର, ଭବାନୀ ଧଡ଼ା, କମଳ ଧଳ, ଗିବସ, ରାଜା ବାବୁ, ରାଜୁ, କାଳିଆ ପ୍ରମୁଖ କାର୍ଯ୍ୟକ୍ରମ ପରିଚାଳନାରେ ସହାୟତା ପ୍ରଦାନ କରିଥିଲେ।