ଗଜପତି ( ବିପ୍ଲବୀ ପରିକ୍ରମା ):-– ଜୁଲାଇ ୧୯ ତାରିଖରେ ମୃତ୍ୟୁ ବରଣ କରିଥିଲେ ଓଡ଼ିଶା ଡ୍ରାଇଭର ମହାସଂଘର ଜଣେ ସଦସ୍ୟ। ଦୁଃଖଦ ପରିବାରକୁ ସ୍ୱାନ୍ତନା ଜଣାଇବା ସହ କିଛି ଅର୍ଥ ରାଶି ପ୍ରଦାନ କଲେ ଓଡ଼ିଶା ଡ୍ରାଇଭର ମହାସଂଘ। ଗଜପତି ଜିଲ୍ଲା ଗୁମ୍ମା ବ୍ଲକର ଉପାନ୍ତ ଦୁର୍ଗମ ଅଞ୍ଚଳ ମାଡାଉଲ ଗ୍ରାମ ଆଦିବାସୀ ପରିବାରର ବିନି ବଡ଼ରଇତ। ସେ ଜଣେ ଡ୍ରାଇଭର।
ଓଡ଼ିଶା ଡ୍ରାଇଭର ମହାସଂଘର ଜଣେ ସଦସ୍ୟ। ଗାଡି଼ ଚଳାଇ କରୁଥିଲେ ପରିବାରକୁ ପ୍ରତିପୋଷଣ। କିଛି ଦିନ ତଳେ ତାଙ୍କର ହୋଇଥିଲା ମୃତ୍ୟୁ। ଦୁଃଖଦ ପରିବାର ପାଖରେ ପହଞ୍ଚି ଥିଲେ ଓଡ଼ିଶା ଡ୍ରାଇଭର ମହାସଂଘ ଗଜପତି ଜିଲ୍ଲାର ଜିଲ୍ଲା ଏବଂ ବିଭିନ୍ନ ବ୍ଲକ ପଦାଧିକାରୀ ଓ କେତେକ ସଦସ୍ୟ ଗଣ। ପରିବାର ଏବଂ ଗ୍ରାମ ବାସୀଙ୍କ ଉପସ୍ଥିତିରେ ମୃତ୍ୟୁ ବରଣ କରି ଥିବା ବିନି ବଡ଼ରଇତଙ୍କ ଫୋଟ ଚିତ୍ରରେ କେଣ୍ଡେଲ ଓ ଧୂପ ଜାଳି ଶ୍ରଦ୍ଧାଞ୍ଜଳି ଜଣାଇବା ସହ ତାଙ୍କର ସ୍ତ୍ରୀ ଏବଂ ପୁଅ ଝିଅଙ୍କୁ ସ୍ଵାନ୍ତନା ଜଣାଇ ଥିଲେ। ଏଥିସହ କିଛି ଅର୍ଥ ରାଶି ପ୍ରଦାନ କରିଥିଲେ।