ନୂଆପଡା ( ବିପ୍ଲବୀ ପରିକ୍ରମା ):- ଚୋରୀ ଘଟଣା ର ପର୍ଦ୍ଧାଫାଶ କରି ତିନି ଜଣ ଅଭିଯୁକ୍ତ ଙ୍କୁ ଗିରଫ କରି କୋର୍ଟ ଚାଲାଣ କରିଛି ବୋଡ଼େନ ପୋଲିସ । ଆମେ ସାଧାରଣତଃ ଧନ ସଂପତ୍ତି, ଟଙ୍କା ପଇସା ଚୋର କଥା ଶୁଣି ଥାଉ ହେଲେ ନୂଆପଡ଼ା ଜିଲ୍ଲା ବୋଡ଼େନ ଥାନା ଅଞ୍ଚଳ ରେ ମଦ ଚୋରିକରି ଗିରଫ ହେବା ଘଟଣା ଅଞ୍ଚଳ ରେ ଚର୍ଚ୍ଚା ର ବିଷୟ ପାଲଟିଛି ସୂଚନା ଅନୁସାରେ ଗତ ୧ ତାରିଖ ରାତ୍ରୀରେ ଭେଣ୍ଟିଲେଟର କୁ ଭାଙ୍ଗି ଚୋର ମାନେ ଲକ୍ଷ୍ୟାଧିକ ଟଙ୍କାର ମଦ ଚୋରି କରିଥିଲେ ଓ ଦୁଇ ତାରିଖ ଦିନ ବୋଡ଼େନ ସ୍ଥିତ ବିଦେଶୀ ମଦ ଦୋକାନ ମ୍ୟାନେଜର ଶ୍ରୀକାନ୍ତ ସାହୁ ବୋଡେ଼ନ ଥାନାରେ ଲିଖିତ ଅଭିଯୋଗ କରିଥିଲେ।
ଅଭିଯୋଗ କୁ ଭିତ୍ତିରେ ବୋଡ଼େନ ପୋଲିସ ଥାନା ଅଧିକାରୀ ଗୋବିନ୍ଦ ମାଝୀଙ୍କ ନେତୃତ୍ୱରେ ଏକ ଆଠ ଜଣିଆ ଟିମ ଗଠନ କରି ତଦନ୍ତ ଚାଲିଥିଲା ଓ ଏଥିରେ ଅଭିଯୁକ୍ତମାନଙ୍କୁ ଧରିବାରେ ପୋଲିସ ସଫଳ ହୋଇଥିଲେ। ଅଭିଯୁକ୍ତ ମାନେ ହେଲେ ସ୍ଥାନୀୟ ବୋଡେ଼ନ ର ଭାଙ୍ଗଖାଉ ମାଝୀ, ରୁଣ୍ଡି ଗ୍ରାମର ରୁପସିଂମାଝୀ ଓ ବିନୋପୁର ଗ୍ରାମର ପିଣ୍ଟୁ ନିଆଳ ବୋଲି ଜଣା ପଡ଼ିଛି । ଏଥିରୁ ଦୁଇ ଅଭିଯୁକ୍ତ ନାମରେ ପୂର୍ବରୁ ଅନେକ ମାମଲା ଥିବା ଜଣା ପଡ଼ିଥିବା ବେଳେ ତିନି ଜଣ ଙ୍କୁ କୋର୍ଟ ଚାଲାଣ କରି ଅଧିକ ତଦନ୍ତ ଚାଲିଥିବା ଖଡ଼ିଆଳ ଏସଡିପିଓ ଅରୂପ ଅଭିଷେକ ବେହେରା ସୂଚନା ଦେଇଛନ୍ତି।