କରଞ୍ଜିଆ ( ବିପ୍ଲବୀ ପରିକ୍ରମା ):- ଗଛ ଡାଳରେ ଫାଶୀ ଦେଇ ଜଣେ ବ୍ୟକ୍ତି ଙ୍କ ମୃତଦେହ ଏକ ଗଛରେ ଝୁଲୁଥିବା ଅବସ୍ଥାରେ ଉଦ୍ଧାର କରାଯାଇଛି।ସୂଚନା ମୁତାବକ ମୟୂରଭଞ୍ଜ ଜିଲ୍ଲା କରଞ୍ଜିଆ ବ୍ଲକ ଅନ୍ତର୍ଗତ ଜାଭିଅର ସ୍କୁଲ ନିକଟସ୍ଥ ଘୋଡାଘାଗୁରୀ ସଂରକ୍ଷିତ ଜଙ୍ଗଲ ରାସ୍ତା ପାର୍ଶ୍ଵରେ ଥିବା ଏକ ଗଛରେ ଜଣେ ବ୍ୟକ୍ତିଙ୍କ ମୃତଦେହ ଝୁଲୁଥିବା ଅବସ୍ଥାରେ ଦେଖିବା ପରେ ସ୍ଥାନୀୟ ଲୋକେ କରଞ୍ଜିଆ ଥାନାକୁ ଖବର ଦେଇଥିଲେ।ତେବେ ଖବରପାଇ କରଞ୍ଜିଆ ଥାନା ସରକାରୀ ଇନ୍ସପେକ୍ଟର ସୁଧାଂଶୁ ଶେଖର ସେଠୀ, ସହକାରୀ ସବ୍ ଇନ୍ସପେକ୍ଟର ସାଲଖାନ ହେମ୍ବ୍ରମ, ହାବିଲଦାର ଦୁର୍ଯ୍ୟୋଧନ ମହାନ୍ତ, କନେଷ୍ଟବଳ ଶ୍ରୀ ଦିପେନ୍ଦ୍ର କୁମାର ଦାସ ସଦଳବଳେ ଘଟଣାସ୍ଥଳରେ ପହଞ୍ଚି ଶବକୁ ଜବତ କରିଥିଲେ।ତେବେ ମୃତବ୍ୟକ୍ତି ଜଣକ କରଞ୍ଜିଆ ବ୍ଲକ ରସମତଳା ପଞ୍ଚାୟତ ରାଇବୁରୁ ସାହିର ୫୦ବର୍ଷୀୟ ଜିତମନ କେରାଇ ବୋଲି ଜଣାପଡିଛି।ମୃତ ଶରୀରକୁ ତାଙ୍କ ଜୋଇଁ ଗୁରୁଚରଣ ବଦ୍ରା ଘଟଣା ସ୍ଥଳରେ ପହଞ୍ଚି ପୋଲିସ ଉପସ୍ଥିତି ରେ ଚିହ୍ନଟ କରିଥିବା ବେଳେ ସକାଳ ପ୍ରାୟ ୫ଟା ସମୟରେ କୌଣସି କାର୍ଯ୍ୟ ପାଇଁ ଜିତମନ ଘରୁ ବାହାରି ଥିଲେ ଏବଂ ଘରକୁ ଫେରି ନଥିଲେ। ଖବରପାଇ ଘଟଣା ସ୍ଥଳରେ ପରିବାର ଲୋକେ ପହଞ୍ଚି ତାଙ୍କ ମୃତଦେହ ଝୁଲୁଥିବା ଦେଖିଥିବା ସହ ତାଙ୍କର ମସ୍ତିଷ୍କ ବିକୃତ ଥିବା ମଧ୍ୟ ପ୍ରକାଶ କରିଛନ୍ତି।ପୋଲିସ ଶବକୁ ଜବତ କରି ବ୍ୟବଚ୍ଛେଦ ପାଇଁ ଉପଖଣ୍ଡ ଚିକିତ୍ସାଳୟ କୁ ପଠାଇ ଏକ ଅପମୃତ୍ୟୁ ମାମଲା ୨୬/୨୪ ରୁଜ୍ଜୁ କରି ଅଧିକ ତଦନ୍ତ ଜାରି ରଖିଛି।