ବ୍ରହ୍ମପୁର ( ବିପ୍ଲବୀ ପରିକ୍ରମା ):- ବ୍ରହ୍ମପୁର ବଡ଼ ବଜାର ଥାନା ପୁଲିସ ସ୍ଥାନୀୟ ଶ୍ରୀକ୍ଷେତ୍ର ବିହାର ଛକରେ ଚେକିଂ ବେଳେ ଏକ କାରରୁ ୪୦ଗ୍ରାମ ବ୍ରାଉନ ସୁଗାର ଜବତ କରି ୩ଜଣକୁ ଗିରଫ କରିଛି । ଗିରଫ ଯୁବକମାନେ ହେଲେ ହଳଦିଆପଦର ଚନ୍ଦନ ସେଠୀ , କିରଣ କୁମାର ଦଳବେହେରା ଓ ପୋଲସରାର କାଳୁ ଚରଣ ଭୂୟାଁ । ପୁଲିସ ଗିରଫ ଯୁବକଙ୍କ ନିକଟରୁ କିଛି ମୋବାଇଲ ଓ ଟଙ୍କା ଜବତ କରିଛି ।
ଉପରୋକ୍ତ ଅଭିଯୁକ୍ତମାନେ ପୋଲସରାରୁ ବ୍ରାଉନସୁଗାର ଆଣି ବ୍ରହ୍ମପୁର ଓ ଆଖପାଖ ଅଞ୍ଚଳର ଯୁବକପିଡ଼ିଙ୍କୁ ବିକ୍ରି କରୁଥିଲେ ପୁଲିସ ଜେରା ବେଳେ ଜଣାପଡିଥିଲା । ପୁଲିସ ବିଶ୍ୱସ୍ତ ସୂତ୍ରରୁ ଖବର ପାଇ ଚଢ଼ାଉ କରିବା ପରେ ଏହି ସଫଳତା ପାଇଛି ।