ବ୍ରହ୍ମପୁର ( ବିପ୍ଲବୀ ପରିକ୍ରମା ):- ବ୍ରହ୍ମପୁର ବଡ଼ବଜାର ଥାନା ଅଞ୍ଚଳରେ ଜଣେ ନାବାଳିକା ଟିୟୁସନ ଶିକ୍ଷୟିତ୍ରୀଙ୍କ ମାଡ଼ରେ ଛାତ୍ର ଲହୁଲୁହାଣ | ମିଳିଥିବା ସୂଚନା ଅନୁସାରେ ବଡ଼ବଜାର ଥାନା ଅନ୍ତର୍ଗତ କାଳୁ ପାତ୍ର ସାହିର ଶୁଭମ ସାହୁ ୫ମ ଶ୍ରେଣୀରେ ପାଠ ପଢ଼ନ୍ତୀ I
ସେ ତାଙ୍କ ସାହିରେ ଥିବା ଘରୋଇ ଶିକ୍ଷାନୁଷ୍ଠାନ ଏସ୍.କୁମାର କୋଚିଙ୍ଗ ଇନଷ୍ଟିଚ୍ୟୁଟକୁ ଟିୟୁସନ ପାଇଁ ଯାଉଥିଲେ | ତେବେ ଟିୟୁସନ୍ ଶିକ୍ଷୟିତ୍ରୀ ଜଣଙ୍କ ପାଠ ପଢ଼ାଇବା ବାହାନାରେ ପ୍ରତିଦିନ ଶାରିରୀକ, ମାନସିକ ନିର୍ଯାତନା ଦେଉଥିଲେ | ପୂର୍ବରୁ ବହୁ ଥର ମାରପିଟ୍ କରିବା ସହ ଘର ଝାଡ଼ୁ, ବାହାରୁ ଜିନିଷ କିଣି ଆଣିବାକୁ କହୁଥିଲେ । ୧୫ତାରିଖ ସନ୍ଧ୍ୟାରେ ଟିୟୁସନ୍ ଯାଇଥିବା ବେଳେ ଶୁଭମ ବହି କେତୋଟି ନେଇନଥିଲେ I
ଫଳରେ ଶିକ୍ଷୟିତ୍ରୀ ଜଣଙ୍କ କୁଆଡ଼େ ଏଥିରେ ଉତକ୍ଷିପ୍ତ ହୋଇ ଶୁଭମଙ୍କୁ ନିର୍ଧୁମ ପିଟିଥିଲେ | ଘରକୁ ଆସିବା ପରେ ଶୁଭମଙ୍କ ମାଆ ଓ ବାପା ଏହା ଦେଖି ଥାନାରେ ଅଭିଯୋଗ କରିବା ପରେ ଗତକାଲି ଏକ ମାମଲା ରୁଜୁ ହୋଇଛି I ଅଭିଯୋଗର ତଦନ୍ତ ଚାଲିଥିବା ଥାନା ଅଧିକାରୀ ସୂଚନା ଦେଇଛନ୍ତି |