କରଞ୍ଜିଆ ( ବିପ୍ଲବୀ ପରିକ୍ରମା ):-: କରଞ୍ଜିଆ ବିଜ୍ଞାପିତ ଅଞ୍ଚଳ ୱଡ ନମ୍ବର ୧୫ ଅଙ୍କୁରା ସ୍ଥିତ ସଙ୍କଳ୍ପ ସେବା ଟ୍ରଷ୍ଟ ଓ ବୀଣାପାଣି ଯୁବକ ସଂଘ,ବାଟପଡୁଗଣ୍ଡି ପରିଚାଳନାରେ ଚାଲୁଥିବା ଗୋଶାଳା ଗୋଧାମ କରଞ୍ଜିଆ ଗୁଡିକରେ ଆଜି କରଞ୍ଜିଆ ଥାନା ଅଧିକାରୀଙ୍କ ନିଆରା ପରମ୍ପରା କୁନେଇ ପବିତ୍ର ରକ୍ଷାବନ୍ଧନ ଉତ୍ସବ ପାଳିତ ହୋଇଯାଇଛି। ତେବେ କରଞ୍ଜିଆ ଥାନା ଭାରପ୍ରାପ୍ତ ଅଧିକାରୀ ନିରୋଦ କୁମାର ମଲ୍ଲିକଙ୍କ ନେତୃତ୍ୱରେ ଅନୁଷ୍ଠିତ କାର୍ଯ୍ୟକ୍ରମରେ ଥାନା ଓ ସଙ୍କଳ୍ପ ସେବା ଟ୍ରଷ୍ଟ ଓ ବୀଣାପାଣି ଯୁବକ ସଂଘ କର୍ମକର୍ତ୍ତା ଓ ସଦସ୍ୟ ମାନେ ଉପସ୍ଥିତ ରହି ଗୋଶାଳା ଗୋଧାମ ଠାରେ ଗୋମାତାଙ୍କୁ ପୂଜା କରିବା ସହ ରାକ୍ଷୀ ବାନ୍ଧିଥିଲେ। ଗୋମାତାଙ୍କୁ ଫଳ ଚକୁଳି ପିଠା ଇଟଲି ପ୍ରଭୃତି ଖାଦ୍ୟ ପଦାର୍ଥ ପରିବେଷଣ କରାଯାଇଥିଲା। ଏହି କାର୍ଯ୍ୟକ୍ରମରେ ଥାନା କନେଷ୍ଟବଳ ପ୍ରଭାକର ମହାନ୍ତ, ଗୋବର୍ଦ୍ଧନ ମୁଣ୍ଡା,ସୁନାରାମ ମାଝୀ,ସାମ୍ବାଦିକ ଅରୁଣ ବେହେରା,ବି ଦିବ୍ୟେନ୍ଦୁ ଶେଖର, ସୁମନ୍ତ କୁମାର ପାତ୍ର,ପାର୍ଥ ପ୍ରସନ୍ନ ମିଶ୍ର, ଜିତେନ୍ଦ୍ର ରାଜଙ୍କ ସମେତ ଗୋଧାମର ସଦସ୍ୟ ପ୍ରଶାନ୍ତ କୁମାର ମିଶ୍ର, ଚନ୍ଦନ ପ୍ରମୁଖ ସହଯୋଗ କରିଥିଲେ।