କରଞ୍ଜିଆ ( ବିପ୍ଲବୀ ପରିକ୍ରମା ):- କରଞ୍ଜିଆ ଥାନା ଅଧୀନ ତାଟୋ ଛକ ନିକଟରେ ଆଜି ସକାଳ ପ୍ରାୟ ୧୦ ଘଟିକା ସମୟରେ ଏକ ଅଜଣା ବାଇକ୍ ଧକ୍କାରେ ଝାଟିଆଳି ଗ୍ରାମର ଏସକେ ରଫିକ (୬୦) ନାମକ ବୃଦ୍ଧ ଗୁରୁତର ହେଇ କରଞ୍ଜିଆ ସ୍ଥିତ ଉପଖଣ୍ଡ ଚିକିତ୍ସାଳୟରେ ଭର୍ତ୍ତି ହେଇଛନ୍ତି । ପ୍ରାପ୍ତ ସୂଚନା ମୁତାବକ ରଫିକ ନିଜ ଗ୍ରାମରୁ ତାଟୋ ଅଭିମୁଖେ ଯାଉଥିବା ସମୟରେ ତାଟୋ ଛକ ନିକଟରେ ଏକ ଅଜଣା ବାଇକ୍ ଚାଳକ ତାଙ୍କୁ ଧକ୍କା ଦେଇ ଘଟଣା ସ୍ଥଳରୁ ଚମ୍ପଟ ମାରିଥିଲା ।
ସ୍ଥାନୀୟ ଦୋକାନୀ ମାନେ ରଫିକଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ କରଞ୍ଜିଆ ସ୍ଥିତ ଉପଖଣ୍ଡ ଚିକିତ୍ସାଳୟ ପଠାଇଥିଲେ। ସେଠାରେ ତାଙ୍କ ଚିକିତ୍ସା ଜାରିଥିବା ଓ ଅବସ୍ଥା ଗୁରୁତର ଥିବା ମେଡିକାଲ ପକ୍ଷରୁ ସୂଚନା ମିଳିଛି ।