କରଞ୍ଜିଆ ( ବିପ୍ଲବୀ ପରିକ୍ରମା ):-:ଗତକାଲି ସନ୍ଧ୍ୟା ପୂର୍ବରୁ ଘରୁ ଯାଇ ରାତିରେ ବି ଫେରିନଥିଲେ ଘରକୁ। ହେଲେ ଆଜି ସକାଳୁ ଘର ନିକଟରେ ଥିବା ଏକ ଲଟାବୁଦାରେ ମୃତଦେହ ପଡ଼ିଥିବା ଦେଖିବାକୁ ମିଳିଥିଲା ।ତେବେ ମୃତଦେହ ପଡ଼ିଥିବା ସ୍ଥାନର ପାରିପାର୍ଶ୍ବିକ ଅବସ୍ଥିତିକୁ ଅନୁଧ୍ୟାନ କଲେ ମୃତ୍ୟୁର କାରଣକୁନେଇ ସନ୍ଦେହ ସୃଷ୍ଟି କରୁଥିବା ଆଲୋଚନା ହେଉଥିବା ଦେଖିବାକୁ ମିଳିଛି। ଏହି ଘଟଣାଟି ମୟୂରଭଞ୍ଜ ଜିଲ୍ଲା କରଞ୍ଜିଆ ଥାନା ଅନ୍ତର୍ଗତ ୱାର୍ଡ ନମ୍ୱର୍ ୦୨ ରେଘଟିଛି । ଏକ ଲଟାବୁଦା ପାଖରେ ଜଣେ ଯୁବକର ମୃତଦେହ ପଡ଼ିଥିବା ଦେଖିବାକୁ ମିଳିଛି । ପାରିପାର୍ଷିକ ସ୍ଥିତିକୁ ଅନୁଧ୍ୟାନ କଲେ ଏହା ଏକ ହତ୍ୟା ଘଟଣା ବୋଲି ସନ୍ଦେହ ପ୍ରକାଶ ପାଉଥିବା ସ୍ଥାନୀୟ ଲୋକଙ୍କ ମଧ୍ୟରେ ଆଲୋଚନା ହେଉଥିବା ଲକ୍ଷ୍ୟ କରାଯାଉଛି। ଅନ୍ୟପଟେ ମୃତକଙ୍କ ପରିବାର ସୂତ୍ରରୁ ମିଳିଥିବା ସୂଚନା ଅନୁସାରେ ସେ ଗଲେଇ ନିକଟରେ ଥିବା କାଳିଆ ଗ୍ୟାରେଜ୍ରେ କାମ କରୁଥିଲେ | ଗତକାଲି ସନ୍ଧ୍ୟାରୁ ପିତା ସ୍ବର୍ଗତ ଫୋତୁ ମହାରଣାଙ୍କ ପୁଅ ମୃତ ଅଜୟ ମହାରଣା ବୟସ ୪୦ ଘରୁ ବାହାରି ଆସିଥିଲେ | ଆଜି ଘର ନିକଟ ଅମରି ଗଛ ମୂଳ ଲଟାବୁଦା ନିକଟରୁ ଅଜୟଙ୍କ ମୃତଦେହକୁ କିଛି ସ୍ଥାନୀୟ ଲୋକ ଦେଖିବା ପରେ ପରିବାରର ଲୋକଙ୍କୁ ଜଣାଇଥିଲେ ସଂଗେସଂଗେ ପରିବାର ଲୋକ ଘଟଣା ସ୍ଥଳକୁ ଯାଇ ମୃତ ଦେହକୁ ଦେଖି ଘରକୁ ନେଇ ଆସିଥିଲେ।
ପରେ ଏହି ଘଟଣା ବିଷୟରେ କରଞ୍ଜିଆ ପୋଲିସ ଜାଣିବା ପରେ ଘଟଣାସ୍ଥଳକୁ ଯାଇ ମୃତଦେହକୁ ଜବତ କରିବା ସହିତ ମୃତ ଦେହକୁ ଶବ ବ୍ୟଚ୍ଛେଦ ପାଇ କରଞ୍ଜିଆ ଉପଖଣ୍ଡ ଚିକି୍ସାଳୟ କୁ ପଠେଇ ଏହାର ସତ୍ୟସତ୍ୟତା ଜାଣିବା ପାଇଁ ମୃତ ପରିବାର ଲୋକଙ୍କୁ ଅଧିକ ପଚରଉଚରା କରିଥିଲେ| ସ୍ଥାନୀୟ ଲୋକଙ୍କ କହିବା ଅନୁସାରେ କେହି ଦୁର୍ବୃତ୍ତ ଅଜୟ ମହାରଣାଙ୍କୁ ହତ୍ୟା କରିଥାଇ ପାରେ ବୋଲି ସନ୍ଦେହ ପ୍ରକାଶ କହିଛନ୍ତି। ତେବେ ପୋଲିସର ତଦନ୍ତ ପରେ ମୃତ୍ୟୁର ପ୍ରକୃତ କାରଣ ଜଣାପଡିବ ।