ବ୍ରହ୍ମପୁର ( ବିପ୍ଲବୀ ପରିକ୍ରମା ):- ସଡ଼କ ଦୁର୍ଘଟଣାରେ ଦମ୍ପତିଙ୍କ ମୃତ। ଗତକାଲି ଲାଞ୍ଜିପଲ୍ଲୀ ଶିବ ମନ୍ଦିର ନିକଟସ୍ଥ ଜାତୀୟ ରାଜପଥ 16 ଠାରେଆନ୍ଦ୍ରପଟୁ ଆସୁଥିବା ଟ୍ରକ ନମ୍ବର AP39UD5139, ହଳଦିଆ ପଦର ରୁ ଆସୁଥିବା ହେରୋ ହୋଣ୍ଡା ବାଇକ ନମ୍ବର OD07H8682 କୁ ପଛପଟୁ ଧକା ଦେଇଥିଲା, ଯାହା ଫଳରେ ସ୍ତ୍ରୀ ଚିନ୍ମୟ ରାଣୀ ଶତପଥୀ,ଘଟଣା ସ୍ଥଳରେ ମୃତୁ କରିଥିବା ବେଳେ ସ୍ୱାମୀ ଦୁର୍ଗା ପ୍ରସାଦ ମିଶ୍ର ହସ୍ପିଟାଲରେ ମୃତୁ ବରଣ କରିଥିଲେ।ଏହି ଅଞ୍ଚଳରେ ବାରମ୍ବାର ଦୁର୍ଘଟଣା ଘଟୁଥିବାରୁ ଘଟଣାକୁ ନେଇ ସ୍ଥାନୀୟ ଅଞ୍ଚଳବାସୀ ଲାଞ୍ଜିପଲ୍ଲୀ ଜାତୀୟ ରାଜପଥ ଠାରେ ଫ୍ଲାଏ ଓଭର ବ୍ରିଜ଼, ଓ ମୃତକଙ୍କ ପରିବାରକୁ କ୍ଷତି ପୂରଣ ଦାବିରେ ଦୀର୍ଘସମୟ ଧରି ଜାତୀୟ ରାଜପଥ ଅବରୋଧ କରିଥିଲେ। ଯାହା ଫଳରେ ରାସ୍ତାର ଉଭୟ ପାଶ୍ଵରେ ଯାନ ବାହାନ ଅଟକି ରହିଥିଲା। ପରିଶେଷରେ ବ୍ରହ୍ମପୁର ଉପଜିଲ୍ଲାପାଳ ଦିନାଖେର, ଅତିରିକ୍ତ ତହସିଲ ଦାର,ବ୍ରହ୍ମପୁର ଅତିରିକ୍ତ ଏସପି ଅସୀମ ପଣ୍ଡା, ରମେଶ ଚନ୍ଦ୍ର ସେଠି, ଘଟଣା ସ୍ଥଳରେ ପହଞ୍ଚି ଲୋକଙ୍କୁ ବୁଝା ସୁଝା କରିବା ପରେ ରାସ୍ତାରୋକ ହଟିଥିଲା।