କୁକୁଡାଖଣ୍ଡି ( ବିପ୍ଲବୀ ପରିକ୍ରମା ):- କୁକୁଡାଖଣ୍ଡି ବ୍ଲକ ପରିସରରେ ଥିବା ସଭା ଗୃହରେ ସୋମବାର ବିଡ଼ିଓ ଙ୍କ ଅଧ୍ୟକ୍ଷତାରେ ଓ୍ୱାର୍ଡ ମେମ୍ବରଙ୍କ ପ୍ରଶିକ୍ଷଣ ଶିବିର ଅନୁଷ୍ଠିତ ହୋଇଯାଇଛି। ଏଥିରେ ତ୍ରିସ୍ତରୀୟ ପଞ୍ଚାୟତ ରାଜ ବ୍ୟବସ୍ଥା ପଲ୍ଲୀସଭା ଓ ଗ୍ରାମସଭା , ଅର୍ଥ କମିଶନ ଅନୁଦାନର ସୁପରିଚାଳନା ଓ ସଦୁପଯୋଗ – ଓ୍ୱାର୍ଡ ସଦସ୍ୟଙ୍କ ଭୂମିକା, ଗ୍ରାମ ପଞ୍ଚାୟତ ବିକାଶ ଯୋଜନା, ଗ୍ରାମୀଣ ଆବାସ ଯୋଜନା, ମହାତ୍ମା ଗାନ୍ଧୀ ନରେଗା ଯୋଜନା ସମ୍ୱନ୍ଧରେ ପ୍ରଶିକ୍ଷଣ ଦିଆଯାଇଥିଲା। ଏଥିରେ ବିଡ଼ିଓ ପଲ୍ଲବୀ ସ୍ୱାଇଁ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଜିପିଡିଓ ସୁପ୍ରଭା ସାହୁ, ସ୍ନିଗ୍ଧା ପଟ୍ଟନାୟକ, ଭୁବନେଶ୍ୱରୀ ରଥ,୮୦ ଜଣ ଓ୍ୱାର୍ଡ ମେମ୍ବର ମାନଙ୍କୁ ପ୍ରଶିକ୍ଷଣ ପ୍ରଦାନ କରିଥିଲେ। ଏଥିରେ ଲାଠୀ , ଲୋଚାପଡା , ନିମଖଣ୍ତି , ହୁଗୁଳାପଟ୍ଟା, ଜଗଦଲପୁର ଇତ୍ୟାଦି ଗ୍ରାମ ପଞ୍ଚାୟତର ଓ୍ୱାର୍ଡ ମେମ୍ବର ମାନେ ସକ୍ରିୟ ଅଂଗ୍ରହଣ କରି ପ୍ରଶିକ୍ଷଣ ଶିବିର କୁ ସାଫଲ୍ୟ ମଣ୍ଡିତ କରିଥିଲେ।