ଗଜପତି ( ବିପ୍ଲବୀ ପରିକ୍ରମା ):- ଆଜି ଗଜପତି ଜିଲ୍ଲାର ରା. ଉଦୟଗିରି ବ୍ଲକ ଅନ୍ତର୍ଗତ କେ. ଏମ ଭଲିଆସାହି ଉଚ୍ଚ ବିଦ୍ୟାଳୟରେ ପ୍ରଧାନ ଶିକ୍ଷକ ରାମଚନ୍ଦ୍ର ଦଳବେହେରାଙ୍କ ନେତୃତ୍ୱକ୍ରମେ ସଂସ୍କୃତ ଦିବସ ପାଳିତ ହୋଇଯାଇଛି l ଉକ୍ତ ଅବସରରେ କେରେଡାଙ୍ଗ ଉଚ୍ଚ ବିଦ୍ୟାଳୟର ସଂସ୍କୃତ ଶିକ୍ଷକ ଆଶିଷ କୁମାର ମହାପାତ୍ର (ମୁଖ୍ୟ ଅତିଥି) ଏବଂ ଯୋଡlମ୍ବ ଉଚ୍ଚ ବିଦ୍ୟାଳୟର ଶିକ୍ଷକ ରମେଶ ଚନ୍ଦ୍ର ଜେନା ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରାଇଥିଲେ l ସଂସ୍କୃତ ହେଉଛି ଆଦିଭାଷା, ଦେବ ଭାଷା, ଏବଂ ସବୁ ଭାଷା ମାନଙ୍କର ଜନନୀ l ଏହାର ସୁରକ୍ଷା ଏବଂ ଉନ୍ନତି ଆମର ଦାୟିତ୍ୱ ବୋଲି ଅତିଥି ମାନେ ଭାଷଣ ମାଧ୍ଯମରେ ବ୍ୟକ୍ତ କରିଥିଲେ l ଏଣୁ ଏହି ଅବସରରେ ପିଲାମାନଙ୍କ ମଧ୍ୟରେ ସଂଗୀତ, ଭାଷଣ, ସାଧାରଣ ଜ୍ଞାନ ଆଦି ପ୍ରତିଯୋଗିତାମାନ କରାଯାଇ କୃତି ପ୍ରତିଯୋଗୀ ମାନଙ୍କୁ ପୁରସ୍କlର ପ୍ରଦାନ କରାଯାଇଥିଲା l ପରିଶେଷରେ ପିଲାମାନଙ୍କ ଦ୍ୱାରା ସଂlସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା l ସଂସ୍କୃତ ସଂଗୀତର ତାଳେ ତାଳେ ପିଲାମାନେ ନାଚି ସମସ୍ତଙ୍କୁ ଚକିତ କରିଥିଲେ l ଉକ୍ତ କାର୍ଯ୍ୟକ୍ରମକୁ ବିଦ୍ୟାଳୟର ସଂସ୍କୃତ ଶିକ୍ଷକ ପ୍ରହ୍ଲାଦ ଶିଅଳ ଆୟୋଜନ କରିବା ସହିତ ମଞ୍ଚ ପରିଚାଳନା ମଧ୍ୟ କରିଥିଲେ l ବିଦ୍ୟାଳୟର ସମସ୍ତ ଶିକ୍ଷକ ଓ ଶିକ୍ଷୟିତ୍ରୀ ଉପସ୍ଥିତ ରହି କାର୍ଯ୍ୟକ୍ରମ କୁ ସଫଳ କରାଇ ଥିଲେ l ପରିଶେଷରେ ଶିକ୍ଷକ ଯୁଧିଷ୍ଠିର ପାଇକ ଅତିଥି ମାନଙ୍କୁ ଧନ୍ୟବାଦ ଅର୍ପଣ କରିବା ସହିତ ଶାନ୍ତି ମନ୍ତ୍ର ପାଠ କରି ଥିଲେ l