ଆସିକା ( ବିପ୍ଲବୀ ପରିକ୍ରମା ):- ଗଞ୍ଜାମ ଜିଲ୍ଲା ଦକ୍ଷିଣ ଘୁମୁସର ବନଖଣ୍ଡ ଅନ୍ତର୍ଗତ ଆସିକା ରେଞ୍ଜ ର ନୁଆଁ ବାବନପୁର ଛକ ଏବଂ ଅସୁରେଇପଲ୍ଲୀ ଠାରୁ ଚୋରା କାଠ ଚାଲାଣ ବେଳେ ଗାଡି ଡ୍ରାଇଭର କୁ ଗିରଫ କରିବା ସହ କାଠ ନେଉଥିବା ଗାଡି କୁ ଜବତ କରିଛି ବନ ବିଭାଗ l ଦୁଇ ଦିନ ହେଲା ବିଶେଷ ସୂତ୍ରରୁ ଖବର ପାଇଁ ଆସିକା ରେଞ୍ଜର ପ୍ରମୋଦ କୁମାର ପଣ୍ଡା ଙ୍କ ନେତୃତ୍ୱ ରେ ଏକ ଟିମ ଭେଟନଇ ରୁ ବାବନପୁର ଏବଂ ଅସୁରେଇପଲ୍ଲୀ ଅଞ୍ଚଳ ରୁ ଚୋରା ରେ ଯାଉଥିବା କାଠ ଗାଡିକୁ ଗୋଡ଼ାଇ ଗୋଡାଇ ଧରିଥିଲେ l ଭଞ୍ଜନଗର ତାରସିଂ ଅଂଚଳ ରୁ ଓଡି ୩୨ ବି ୪୭୦୭ ନମ୍ବର ଟାଟା ଏସି ଗାଡ଼ିରେ ବାଲିପଦର ଭୟା ଆସ୍କା ଦେଇ ବ୍ରହ୍ମପୁର ଯିବା କୁ ଯୋଜନା କରିଥିଲା l
ଜବତ ଗାଡ଼ିରୁ ୫୭ ଘନଫୁଟ ର ଶାଳ କାଠ ସହ ଭଞ୍ଜନଗର ଥାନା ବେଲଗୁଣ୍ଠା ବ୍ଲକ ତନରଡା ଗ୍ରାମର ଜ୍ୟୋତିଲାଲ ସ୍ୱାଇଁ (୩୦) କୁ ବନ ବିଭାଗ ଅଟକ ରଖି ପଚରାଉଚରା କରିଥିଲେ l ଆବଶ୍ୟକିୟ କାଗଜପତ୍ର ନଦେବା ଦ୍ୱାରା ଏହି ଚୋରା ବେପାରୀ କୁ ବନ ବିଭାଗ କେସ ନମ୍ବର ୧୦୬/୨୪-୨୫ ରେ ଓଡିଶା କାଠ ଏବଂ ଅନ୍ୟାନ ଜଙ୍ଗଲ ଗମନାଗମନ ନିୟମ ୧୯୮୦ ଅନୁସାରେ ଏକ କେସ ମାମଲା ରୁଜୁ କରି ଆସ୍କା କୋର୍ଟ କୁ ଚାଲାଣ କରିଥିବା ରେଞ୍ଜର ପ୍ରମୋଦ କୁମାର ପଣ୍ଡା ପ୍ରକାଶ କରିଛନ୍ତି l
ଏହି ଟିମ ରେ ଆସିକା ବନ ବିଭାଗ ର ବନ ଅଧିକାରୀ ଶରତ ଚନ୍ଦ୍ର ବେହେରା,ଗଣେଶ ସ୍ୱାଇଁ, ରଘୁନାଥ ପ୍ରଧାନ, ଗୋପାଳ ଗୌଡ଼, ବୁଦ୍ଧିରାମ ବlଡ଼ତ୍ୟା, କୃଷ୍ଣ ବlଡତ୍ୟା ପ୍ରମୁଖ ଏହି ଚଢ଼ାଅ ରେ ସାମିଲ ରହିଥିଲେ l