ବ୍ରହ୍ମପୁର ( ବିପ୍ଲବୀ ପରିକ୍ରମା ):-:ଗୋଳନ୍ଥରା ଥାନା ଅଧୀନ ହଳଦିଆପଦର ତିରୁପତି ନଗର ପ୍ରଥମ ଲାଇନ ରେ ଗତ ୧ ତାରିଖ ରାତିରେ ୨ ପଡୋଶୀ ଙ୍କ ମଧ୍ୟରେ କୌଣସି ପ୍ରକାରେ ବଚସା ହୋଇଥିଲା l ସୁନୀଲ ପାଣିଗ୍ରାହୀ ଙ୍କ ସମେତ ତାଙ୍କ ପୁଅ ଏବଂ ସ୍ତ୍ରୀ ଙ୍କୁ କୁରାଡ଼ି ଏବଂ ବ୍ୟାଟ ରେ ଆକ୍ରମଣ କରିଥିଲେ ପଡୋଶୀ ଘରେ ରହୁଥିବା ମା ସବିତା ସାହୁ ଏବଂ ତାଙ୍କ ୨ ପୁଅ ଅଙ୍କିତ ପାଣିଗ୍ରାହୀ ଓ ଅସିତ ପାଣିଗ୍ରାହୀ l ସୁନୀଲ ପାଣିଗ୍ରାହୀ ଙ୍କ ସ୍ତ୍ରୀଙ୍କ ମୁଣ୍ଡରେ ଗଭୀର ଆଘାତ ଲାଗିଛି ଏବଂ ପୁଅ ଙ୍କ ମୁଣ୍ଡକୁ ଶକ୍ତ ଆଘାତ ହୋଇଥିବାରୁ ବ୍ରେଇନ ହାମରାଜ ହୋଇଥିବା ଜଣାପଡିଛି l
ଏନେଇ ପରିବାର ଲୋକେ ଗୋଳନ୍ଥରା ଥାନାରେ ଲିଖିତ ଅଭିଯୋଗ କରିଥିଲେ l ଅଭିଯୋଗ କରିବାର ୩୬ ଘଣ୍ଟା ବିତିଯାଇଥିଲେ ମଧ୍ୟ ଗୋଳନ୍ଥରା ଥାନା ପୋଲିସ ଅଭିଯୁକ୍ତଙ୍କୁ ଗିରଫ କରିନାହିଁ l ଅଭିଯୁକ୍ତ ଙ୍କ ନାମରେ ମାମଲା ରୁଜୁ କରିଥିଲେ ମଧ୍ୟ ଏ ପର୍ଯ୍ୟନ୍ତ ଥାନା ଅଧିକାରୀ ସେମାନଙ୍କୁ ଗିରଫ ନ କରି ସେମାନଙ୍କୁ ଆଶ୍ରୟ ଦେଉଛନ୍ତି ବୋଲି ପରିବାର ଲୋକେ ବ୍ରହ୍ମପୁର ଏସ୍ପି ଅଫିସରେ ପହଂଚି ଥାନାଅଧିକାରୀ ଙ୍କ ନାମରେ ଅଭିଯୋଗ କରିଛନ୍ତି l ଅଭିଯୁକ୍ତ ଙ୍କୁ ଗିରଫ କରି ଦୃଢ କାର୍ଯ୍ୟାନୁଷ୍ଠାନ ନେବା ପାଇଁ ଦାବି କରିଛନ୍ତି l
ସୂଚନା ପ୍ରକାରେ ୨୦୧୩ ରୁ ୨ ପଡୋଶୀଙ୍କ ମଧ୍ୟରେ ବିବାଦ ଲାଗିରହିଛି l ସୁନୀଲ ଏ ବାବଦରେ ଗୋଳନ୍ଥରା ଥାନାରେ ବହୁବାର ଅଭିଯୋଗ କରିଥିଲେ ମଧ୍ୟ ପୋଲିସ ସେମାନଙ୍କ ଉପରେ କୌଣସି କାର୍ଯ୍ୟାନୁଷ୍ଠାନ ନ ନେଇ ଥାନା ଅଧିକାରୀ ପରିବାର କୁ ହାରାଷ କରୁଥିବା ଅଭିଯୋଗ କରିଛନ୍ତି ସୁନୀଲ ଙ୍କ ପରିବାର l