ମୟୁରଭଞ୍ଜ ( ବିପ୍ଲବୀ ପରିକ୍ରମା ):- ବାତିଲ୍ ହେଲା ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ । କେନ୍ଦୁଝରରୁ ଭୁବନେଶ୍ବର ଫେରିବେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ । ହେଲିକପ୍ଟରରେ ଯାନ୍ତ୍ରିକ ତ୍ରୁଟି କାରଣରୁ ମୁଖ୍ୟମନ୍ତ୍ରୀଙ୍କ ମୟୂରଭଞ୍ଜ ଗସ୍ତ ବାତିଲ୍ ହୋଇଛି । ଆଉ ଆଜି ମୟୁରଭଞ୍ଜ ଯିବେନି ମୁଖ୍ୟମନ୍ତ୍ରୀ ।ତେବେ କହିରଖୁଛୁ, ଆଜି ମୁଖ୍ୟମନ୍ତ୍ରୀଙ୍କର ମୟୂରଭଞ୍ଜ ଯିବା କାର୍ଯ୍ୟକ୍ରମ ରହିଥିଲା । ରାଜ୍ୟରେ ବିଜେପି ସରକାର ଗଠନ ହେବା ପରେ ପ୍ରଥମ ଥର ପାଇଁ ମୁଖ୍ୟମନ୍ତ୍ରୀ ମୟୂରଭଞ୍ଜ ଯାଇଥାନ୍ତେ । ମୟୂରଭଞ୍ଜ ଜିଲ୍ଲା ସଦର ମହକୁମା ବାରିପଦା ଛଉ ପଡ଼ିଆ ଠାରେ ଆୟୋଜିତ ବିକାଶ ମେଳାରେ ଯୋଗ ଦେଇ ଏହାର ଶୁଭ ଉଦ୍ଘାଟନ କରିଥାନ୍ତା । ଏଥିପାଇଁ ସମସ୍ତ ପ୍ରସ୍ତୁତି ମଧ୍ୟ ସରିଥିଲା । ଏଥିପାଇଁ ମୁଖ୍ୟମନ୍ତ୍ରୀ କେନ୍ଦୁଝରରୁ ହେଲିକପ୍ଟର ଯୋଗେ ଦିନ ସାଢ଼େ ୧ଟାରେ ଅବତରଣ କରିଥାନ୍ତେ । ସେଠାରେ ଆଜି ରାତିରେ ରହି କାଲି ସକାଳେ ୮ଟା ୪୫ରେ ଭୁବନେଶ୍ୱର ଫେରିଥାନ୍ତେ ହେଲେ ତାଙ୍କ ହେଲିକପ୍ଟରରେ କୗେଣସି ଯାନ୍ତ୍ରିକ ତ୍ରୁଟି କାରଣରୁ ସେ କେନ୍ଦୁଝରରୁ ମୟୂରଭଞ୍ଜ ଯାଇପାରିନାହାନ୍ତି । ମୁଖ୍ୟମନ୍ତ୍ରୀ ସିଧା ଭୁବନେଶ୍ବର ଅଭିମୁଖେ ଯାତ୍ରା କରିବେ ବୋଲି ସୂଚନା ମିଳିଛି ।
ସୂଚନା ପ୍ରକାରେ,ଶୁକ୍ରବାରଠାରୁ ତିନି ଦିନିଆ ଉତ୍ତର ଓଡ଼ିଶା ଗସ୍ତରେ ବାହାରିଥିଲେ ମୁଖ୍ୟମନ୍ତ୍ରୀ ମୋହନ ମାଝୀ । ଆଜି ମୟୂରଭଞ୍ଜ ଯିବାର ପ୍ରୋଗ୍ରାମ ଥିଲା । ତାହା ପୂର୍ବରୁ ବାରିପଦା ଛଉପଡ଼ିଆରେ ଆୟୋଜିତ ଏକ କାର୍ଯ୍ୟକ୍ରମରେ ଯୋଗ ଦେବାର ମୁଖ୍ୟମନ୍ତ୍ରୀଙ୍କ କାର୍ଯ୍ୟକ୍ରମ ଥିଲା ,ସକାଳ ୯ ଟା ବେଳେ କେନ୍ଦୁଝର ଷ୍ଟାଡିୟମରୁ ସର୍କିଟ ହାଉସକୁ ଫେରିବେ ଏବଂ ସକାଳ ୧୦ଟା ସମୟରେ ଡିଡି କଲେଜ ଖେଳ ପଡିଆ ଯିବେ ମୁଖ୍ୟମନ୍ତ୍ରୀ ।