କେନ୍ଦୁଝର ( ବିପ୍ଲବୀ ପରିକ୍ରମା ):- ଛିଡା ଗାଡିରୁ ଡିଜେଲ ଚୋରି କରି ଫେରାର ମାରୁଥିବା ବେଳେ ବଡବିଲ ପୋଲିସ୍ ହାବୁଡ଼ରେ ପଡିଗଲେ ୨ ଚୋର, ସେଥି ମଧ୍ୟରୁ ଜଣେ ନାବାଳକ ହୋଇଥିବା ବେଳେ ଅନ୍ୟ ୨ ଜଣ ଚୋର ଫେରାର ହେବାରେ ସକ୍ଷମ ହୋଇଛନ୍ତି। ଘଟଣାଟି ଘଟିଛି କେନ୍ଦୁଝର ଜିଲ୍ଲା ବଲାଣୀ ଥାନା ଅନ୍ତର୍ଗତ ବାଲାଗୋଡା ଛକ ନିକଟରେ। ପ୍ରାପ୍ତ ସୂଚନା ମୁତାବକ ମଙ୍ଗଳବାର ବିଳମ୍ବିତ ରାତିରେ ବଡବିଲ-ବଲାଣୀ ରାସ୍ତାରେ ପରିବହନ ପାଇଁ ଛିଡା ହୋଇଥିବା ଟ୍ରକ୍ ଗୁଡିକରୁ ଚୋର ମାନେ ଡିଜେଲ ଚୋରି କରି ଫେରାର ମାରୁଥିବା ବେଳେ ବଡବିଲ ପୋଲିସ୍ ଜାଣିବାକୁ ପାଇ ବାଲାଗୋଡା ଛକ ନିକଟରେ ଚଢାଉ କରିଥିଲା। ଏହି ଚଢାଉ ବେଳେ ୨ ଜଣ ଚୋର ଫେରାର ହୋଇଥିବା ବେଳେ ଜଣେ ନାବାଳକ ସମେତ ବଲାଣୀ ମାର୍କେଟ ଅଞ୍ଚଳର ରୋସନ କୁମାର ଗୁପ୍ତାଙ୍କୁ ପୋଲିସ୍ ଧରିବାରେ ସକ୍ଷମ ହୋଇଥିଲା।
ଏଥିସହ ପ୍ଲାଷ୍ଟିକ ବ୍ୟାରେଲରେ ଥିବା ପ୍ରାୟ ୪ଶହ ଲିଟର ଚୋରା ଡିଜେଲ ଓ ଏହି ଚୋରି କାମରେ ବ୍ୟବହୃତ OR23-D-0055 ଓ OD0-9K-7449 ନମ୍ବର ବିଶିଷ୍ଟ ଦୁଇଟି ବୋଲେରୋ ଜବତ୍ ମଧ୍ୟ କରିଛି ବଡବିଲ ପୋଲିସ। ବୁଧବାର ୨ଜଣ ଅଭିଯୁକ୍ତଙ୍କୁ କୋର୍ଟ ଚାଲାଣ କରା ଯାଇଥିବା ବଡବିଲ ଥାନା ଆଇଆଇସି ଶ୍ରୀ ରମାକାନ୍ତ ମୁଦୁଲି ସୂଚନା ଦେଇଛନ୍ତି।