ଭଞ୍ଜନଗର ( ବିପ୍ଲବୀ ପରିକ୍ରମା ):- ଗଂଜାମ ଜିଲ୍ଲା ଭଂଜନଗର କବିସମ୍ରାଟ ଉପେନ୍ଦ୍ର ଭଞ୍ଜ ମହାବିଦ୍ୟାଳୟର, ସୁବର୍ଣ୍ଣ ଜୟନ୍ତୀ ଉତ୍ସବ ପାଳନ ପାଇଁ ଏକ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଯାଇଛି । ସ୍ଥାନୀୟ ବିଧାୟକ ପ୍ରଦ୍ୟୁମ୍ନ କୁମାର ନାୟକଙ୍କ ଅଧ୍ୟକ୍ଷତାରେ ଆୟୋଜିତ ବୈଠକରେ, ମହାବିଦ୍ୟାଳୟର ପୂର୍ବତନ ଛାତ୍ର ସଂସଦ ସଭାପତି, ସମ୍ପାଦକ, ପୂର୍ବତନ ଛାତ୍ର ଏବଂ ବହୁ ବୁଦ୍ଧିଜୀବୀ ପ୍ରମୁଖ ଯୋଗ ଦେଇଥିଲେ । ଆସନ୍ତା ଦିନରେ ହେବାକୁ ଯାଉଥିବା ଏହି ସୁବର୍ଣ୍ଣ ଜୟନ୍ତୀ ଉତ୍ସବକୁ, କିଭଳି ଆକର୍ଷଣୀୟ କରାଯିବ ସେ ସଂକ୍ରାନ୍ତରେ ଆଲୋଚନା ହୋଇଥିଲା । କବିସମ୍ରାଟ ଉପେନ୍ଦ୍ର ଭଞ୍ଜଙ୍କ ନାମରେ ନାମିତ ଏହି ମହାବିଦ୍ୟାଳୟର ସ୍ବତନ୍ତ୍ର ପରିଚୟ ରହିଛି, ଗଂଜାମ ଜିଲ୍ଲାରେ । ଏଠାକାର ପୂରାତନ ଛାତ୍ରଛାତ୍ରୀ ମାନେ, ରାଜ୍ୟ ତଥା ଦେଶ-ବିଦେଶରେ ଖ୍ୟାତି ଅର୍ଜନ କରିଛନ୍ତି । ଏଣୁ ସେହି ଛାତ୍ରଛାତ୍ରୀ ଏହି ଉତ୍ସବରେ କିଭଳି ସାମିଲ ହେବେ, ସେ ସଂକ୍ରାନ୍ତରେ ବିସ୍ତ୍ରୃତ ଆଲୋଚନା ହୋଇଥିଲା ।