ବ୍ରହ୍ମପୁର ( ବିପ୍ଲବୀ ପରିକ୍ରମା ଡିଜିଟାଲ ):- ଗଞ୍ଜାମ ଜିଲ୍ଲା ବିଜେଡି ପକ୍ଷରୁ ସୁପ୍ରିମୋ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ତଥା ପୂର୍ବତନ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ୭୯ ତମ ଜନ୍ମଦିନ ପାଳନ କରାଯାଇଛି। ପ୍ରଥମେ ବ୍ରହ୍ମପୁର ର ଅଧିଷ୍ଟ୍ରାତି ଦେବୀ ମା’ବୁଢ଼ୀ ଠାକୁରାଣୀଙ୍କ ଠାରେ ନବୀନ ପଟ୍ଟନାୟକଙ୍କ ଦୀର୍ଘ ଆୟୁ କାମନା କରି ସମୂହ ଦୀପ ଦାନ କରାଯାଇ ଥିଲା।ଜନ୍ମଦିନ ଅବସରରେ ରକ୍ତ ଅଭାବ ଦୁରିକରଣ ପାଇଁ ବ୍ରହ୍ମପୁର ଟାଉନ ହଲ ଠାରେ ଏକ ରକ୍ତ ଦାନ ଶିବିରର ଆୟୋଜନ କରା ଯାଇଥିଲା।
ଏହି ରକ୍ତ ଦାନ ଶିବିରରେ ବହୁ କର୍ମୀ ଓ ଯୁବ ବର୍ଗ ସ୍ଵେଛାକୃତ ଭାବେ ରକ୍ତ ଦାନ କରିଥିଲେ।ଏହି ରକ୍ତ ଦାନ ଶିବିରରେ ୧୯୨ ୟୁନିଟ ରକ୍ତ ସଂଗ୍ରହ କରା ଯାଇଥିଲା।ଏହି ଜନ୍ମ ଦିନ ଉତ୍ସବରେ ବ୍ରହ୍ମପୁର ମେୟର ସଂଘମିତ୍ରା ଦଳାଇ, ଡେପୁଟି ମେୟର ଇ.ବେବେକ ରେଡି,ବ୍ରହ୍ମପୁର ପୂର୍ବତନ ବିଧାୟକ ବିକ୍ରମ ପଣ୍ଡା,ବ୍ରହ୍ମପୁର ପୂର୍ବତନ ସାଂସଦ ଚନ୍ଦ୍ର ଶେଖର ସାହୁ, ଗଞ୍ଜାମ ବିଜେଡି ସଭାପତି ଡ଼କ୍ଟର ରମେଶ ଚନ୍ଦ୍ର ଚାୟୁ ପଟ୍ଟନାୟକ , ସୁବାଷ ମହାରଣାଙ୍କ ସମେତ ବହୁ ବିଜେଡି କର୍ମୀ ଯୋଗ ଦେଇଥିଲେ।