କେନ୍ଦୁଝର ( ବିପ୍ଲବୀ ପରିକ୍ରମା ଡିଜିଟାଲ ):- କେନ୍ଦୁଝର ଜିଲ୍ଲା ରୁଗୁଡି ଥାନା ଅନ୍ତର୍ଗତ ୫୨୦ ନମ୍ବର ଜାତୀୟ ରାଜପଥର ଟୋପାଡିହି ନିକଟରେ ଆଜି ସକାଳୁ ଏକ ଟ୍ରଲର ଓଲଟି ପଡିଥିବା ଦେଖିବାକୁ ମିଳିଛି।
ସୂଚନାନୁସାରେ ବୈଦୁତିକ ଜିନିଷ ବୋଝେଇ କରି ଉକ୍ତ ଟ୍ରଲର ରାଉରକେଲା ଅଭିମୁଖେ ଯାଉଥିବା ବେଳେ ଅନ୍ୟ ଏକ ଗାଡିକୁ ବଞ୍ଚାଇବାକୁ ଯାଇ ତାହା ଜାତୀୟ ରାଜପଥର ଡିଭାଇଡର ଉପରେ ଚଢି ଯାଇଥିଲା।
ଫଳରେ ତାହା ଓଲଟି ପଡିବାରୁ ଡାଲାରେ ଥିବା ସରଞ୍ଜାମ ଗୁଡିକ ରାସ୍ତା ଉପରେ ଖସି ଯାଇଥିଲା। ସୌଭାଗ୍ୟ ବଶତଃ ଏହାର ଚାଳକ ଅଳ୍ପକେ ବର୍ତ୍ତି ଯାଇଥିବା ବେଳେ ଏହି ଦୁର୍ଘଟଣା ଯୋଗୁ କିଛି ସମୟ ଧରି ଯାତାୟାତ ପ୍ରଭାବିତ ହୋଇଥିବା ଦେଖା ଯାଇଥିଲା।