ନୂଆପଡା ( ବିପ୍ଲବୀ ପରିକ୍ରମା ଡିଜିଟାଲ ):- ଦୀର୍ଘ ଦିନ ର ବିରତି ପରେ ପୁଣି ମାଓ ଗତିବିଧି ନୂଆପଡ଼ା ଜିଲ୍ଲା ରେ ଦେଖିବାକୁ ମିଳିଛି । ହେଲେ ମାଓବାଦୀ ଙ୍କ ଗତିବିଧି ଉପରେ ସଦାସର୍ବଦା ନୂଆପଡ଼ା ପୋଲିସ ର ତୀକ୍ଷଣ ନଜର ମାଓବାଦୀ ଙ୍କ ଯୋଜନା ପୂର୍ବରୁ ତାକୁ ଭଣ୍ଡୁର କରୁଛି । ଏଭଳି ଏକ ଖବର ସାମ୍ନା କୁ ଆସିଛି ବୋଡ଼େନ ଥାନା ପାଟଦ୍ଧରା ସଂରକ୍ଷିତ ଜଙ୍ଗଲ ରୁ । ମାଓବାଦୀ ମାନେ ମେଲି କରି କ୍ୟାମ୍ପ କରି ରହୁଥିବା, ବିଶେଷ ସୂତ୍ର ରୁ ଖବର ପାଇଥିଲା ନୂଆପଡ଼ା ପୋଲିସ। ଖବର ପାଇବା କ୍ଷଣି ନୂଆପଡ଼ା ଏସପି ଙ୍କ ତତ୍ତ୍ଵାବଧାନରେ ଦୁଇ ଗୋଟି SOG ଟିମ ଗଠନ କରି ସର୍ଚ୍ଚ ଅପରେସନ ଜାରି ହୋଇଥିଲା । ସର୍ଚ୍ଚ ଅପରେସନ ସମୟରେ ପାଟଦ୍ଧରା ଜଙ୍ଗଲରୁ ଏକ ମାଓ କ୍ୟାମ୍ପ ଠାବ ହୋଇଥିଲା । ଠାବ ହୋଇଥିବା କ୍ୟାମ୍ପ ରୁ ହାରାହାରି ପାଞ୍ଚ ଶହ ଗୋଟି ବିଦ୍ୟୁତ୍ ଡିଟୋନେଟର, ପାଞ୍ଚ ଗୋଟି ରିଲ ସେଫଟି ଫିୟୁଜ, ପାଞ୍ଚ ଗୋଟି ଉନ୍ନତ ମାନର ସୁଇଜ, ଦୁଇ ଗୋଟି ଏସ ବି ଜି ଏଲ, ଗୋଟିଏ ଜେଲୋଟିନ ଷ୍ଟିକ, ବିପୁଳ ମାଓ ପୁସ୍ତିକା ଜବତ୍ କରି ସର୍ଚ୍ଚ ଅପରେସନକୁ ଆହୁରି ବ୍ୟାପକ କରିଥିବା ନୂଆପଡା ଏସପି ରାଘବୀନ୍ଦ୍ର ଗୁଣ୍ଡାଳା ରେଡ୍ଡୀ ଏକ ସାମ୍ବାଦିକ ସମ୍ମିଳନୀ ଜରିଆରେ ସୂଚନା ଦେଇଛନ୍ତି l