ବ୍ରହ୍ମପୁର ( ବିପ୍ଲବୀ ପରିକ୍ରମା ଡିଜିଟାଲ ):- ସାମ୍ବାଦିକଙ୍କୁ ଆକ୍ରମଣ ଓ ରାତି ଅଧିଆ ଗିରଫକୁ ଦୃଢ ନିନ୍ଦା କଲା ଗଞ୍ଜାମ ଜିଲ୍ଲା ଏସଉଜେ ସଙ୍ଘ l ଶୁକ୍ରବାର ରାତିରେ ସୁବର୍ଣ୍ଣପୁର ଜିଲ୍ଲା ସାମ୍ବାଦିକ ଧୀରେନ୍ଦ୍ର କୁମାର ଦାନୀ ଙ୍କୁ ଖବର ସଂଗ୍ରହ କରିବା ସମୟରେ ଗୋଷ୍ଟି ଉନ୍ନୟନ ଅଧିକାରୀ( ସନପୁର ବିଡ଼ିଓ) ସୌମ୍ୟରଞ୍ଜନ ସ୍ୱାଇଁ ମରଣାନ୍ତକ ଆକ୍ରମଣ କରିଥିଲେ।
ଏକ ତରଫା ସାମ୍ବାଦିକ କୁ ଗିରଫ କରିବା ଘଟଣା କୁ ଦୃଢ ନିନ୍ଦା କରି ଶନିବାର ଗଞ୍ଜାମ ଜିଲ୍ଲା ଏସଉଜେ ପକ୍ଷରୁ ବ୍ରହ୍ମପୁର ଉପ ଜିଲ୍ଲାପାଳଙ୍କ କାର୍ଯ୍ୟଳୟ ଠାରେ ପହଞ୍ଚି ବିଡ଼ିଓ ଙ୍କ ବିରୁଦ୍ଧରେ ଦୃଢ କାର୍ଯାନୁଷ୍ଠାନ ଗ୍ରହଣ ପାଇଁ ମାନ୍ୟବର ମୁଖ୍ୟମନ୍ତ୍ରୀଙ୍କ ଉଦ୍ଦେଶ୍ୟରେ ଏକ ଦାବୀ ପତ୍ର ଉପ ଜିଲ୍ଲାପାଳ ଙ୍କ ଜରିଆରେ ପ୍ରଦାନ କରାଯାଇଛି l