ଗଜପତି ( ବିପ୍ଲବୀ ପରିକ୍ରମା ଡିଜିଟାଲ ):- ଗଜପତି ଜିଲ୍ଲା ଗୁଡରିପଙ୍କା ରାସ୍ତାରୁ ବିପୁଳ ମାତ୍ରାରେ ଗଞ୍ଜାଇ ଜବତ କରିଛି ଅଡବା ଥାନା ପୋଲିସ l ଏହି ଘଟଣାରେ ତିନି ଜଣକୁ ଗିରଫ କରି କୋର୍ଟ ଚାଲାଣ କରିଛି ଅଡବା ଥାନା ପୋଲିସ l ଗଜପତି ଜିଲ୍ଲା ଏସପି ଯତୀନ ପଣ୍ଡାଙ୍କ ନିର୍ଦେଶକ୍ରମେ ଅଡବା ଥାନା ଅଧିକାରୀ ଶୁଭ୍ରାନ୍ତ ପଣ୍ଡା ଓ ଟିମ ଗୁଡରିପଙ୍କା ରାସ୍ତାରେ ନାକା ଲଗାଇଥିଲେ l ସେହି ରାସ୍ତା କଡରେ ଜଣେ ବ୍ୟକ୍ତି କିଛି ବସ୍ତା ଧରି କୌଣସି ଗାଡିକୁ ଅପେକ୍ଷା କରିଥିବା ପୋଲିସ ଦେଖିବାକୁ ପାଇଥିଲା l ସନ୍ଦେହରେ ପୋଲିସ ଉକ୍ତ ବ୍ୟକ୍ତି କୁ ପଚରା ଉଚରା କରି ବ୍ୟାଗ ଯାଞ୍ଚ କରିବା ପରେ ସେଥିରେ ୩୩୭ କେଜି ଗଞ୍ଜେଇ ଥିବା ଜାଣିବାକୁ ପାଇଥିଲେ l ଗଞ୍ଜାଇ ପାଇବା ପରେ ପୋଲିସ ସ୍ଥାନୀୟ ତହସିଲଦାର ଙ୍କ ଉପସ୍ଥିତିରେ ଜବତ ଗଞ୍ଜାଇକୁ ଓଜନ କରିବା ସହିତ ଜଣକୁ ଗିରଫ କରିଥିଲା l
ସେହିପରି ସୋମବାର ରାତିରେ ଅଡବା ପୋଲିସ ଯାଞ୍ଚ ବେଳେ ଏକ ଅଟୋ ସହ ୧୫୫କେଜି ଭାଙ୍ଗ ସହ ଦୁଇ ଜଣ କୁ ଗିରଫ କରି କୋର୍ଟ ଚାଲାଣ କରି ତଦନ୍ତ ଜାରି ରଖିଥିବା ଅଡବା ଥାନା ଅଧିକରୀ ସୂଚନା ପ୍ରଦାନ କରିଛନ୍ତି l