ଗଜପତି ( ବିପ୍ଲବୀ ପରିକ୍ରମା ):- ଆଳୁ ଖୋଳୁ ଖୋଳୁ ମହାଦେବ ମିଳିଲା ଭଳି ମୋହନା ପୋଲିସକୁ ଏକ ବଡ଼ ସଫଳତା ମିଳିଛି l ଗତ ରବିବାର ମୋହନା ର ଏକ ଲର୍ଜ ରୁ ଜଣେ ଗଞ୍ଜେଇ ଅଭିଯୁକ୍ତ ମହାରାଷ୍ଟ୍ର ପୋଲିସ ହେପାଜତ ରୁ ଖସି ଯାଇଥିବା ଖବର ପ୍ରଚାରିତ ହୋଇଥିଲା, ମୋହନା ଅଞ୍ଚଳ ରୁ ଗଞ୍ଜେଇ ନେଇ ମହାରାଷ୍ଟ୍ର ଯିବା ବେଳେ ନାଗପୁର ଆକୋଲା ପୋଲିସ ଅଡବା ଥାନା ପୁରୁଣାସାହି ର ଜୁଏଲ ଶବର ନାମକ ଜଣେ ବ୍ୟକ୍ତି ଙ୍କୁ ଗିରଫ କରିବା ସହ ଅଧିକ ତଦନ୍ତ ପାଇଁ ମୋହନାକୁ ନେଇ ଆସିଥିବା ବେଳେ ଏକ ଲର୍ଜ ରୁ ଗୋଡ଼ ରେ ବେଡି ବନ୍ଧା ଅବସ୍ଥା ରେ ଅଭିଯୁକ୍ତ ପୋଲିସ ହେପାଜତ ରୁ ଚମ୍ପଟ ମାରିଥିଲା, ତେବେ ଏହି ଘଟଣା ର ଛାନ୍ ବିନ୍ କଲାବେଳେ ଆଜି ମୋହନା ପୋଲିସକୁ ବଡ଼ ସଫଳତା ମିଳିଛି l ଫେରାର୍ କଏଦୀ ଜୁଏଲ ର ସହଯୋଗୀ ତଥା ଘଟଣା ର କିଙ୍ଗପିନ୍ କୁ ଗିରଫ କରିଛି ପୋଲିସ l ଗିରଫ ଅଭିଯୁକ୍ତ ମୋହନା ଥାନା ଖାରୀଗୁଡା ର ସୁଶାନ୍ତ ନାୟକ l ମହାରାଷ୍ଟ୍ର କୁ ଗଞ୍ଜେଇ ସୁଶାନ୍ତ ହିଁ ଜୁଏଲ କୁ ଦେଇଥିଲା l ତେବେ ଏପର୍ଯ୍ୟନ୍ତ ଫେରାର୍ କଏଦୀ ଜୁଏଲ ର କୌଣସି ସନ୍ଧାନ ମିଳିପାରିନାହିଁ l କିଙ୍ଗପିନ୍ ସୁଶାନ୍ତ ଗିରଫ ହେବାପରେ ଜୁଏଲ୍ କୁ ଧରିବା ପାଇଁ ମୋହନା ପୋଲିସ ତାର ଅପରେସନ୍ କୁ ଜୋର୍ଦାର୍ କରିଥିବା ଥାନା ଅଧିକାରୀ ବସନ୍ତ ସେଠି ସୂଚନା ଦେଇଛନ୍ତି l