କରଞ୍ଜିଆ ( ବିପ୍ଲବୀ ପରିକ୍ରମା ଡିଜିଟାଲ ):- ଚମ୍ପୁଆ ରେଞ୍ଜ ଅନ୍ତର୍ଗତ କରଞ୍ଜିଆ ପଞ୍ଚାୟତ କାଟୁଳିକନା ଗ୍ରାମରେ ଦନ୍ତାହାତୀ ଆକ୍ରମଣରେ ଜଣେ ମୃତ୍ୟୁବରଣ କରିଥିବା ସୂଚନା ମିଳିଛି । ମୃତକ ହେଉଛନ୍ତି ସେହି ଗ୍ରାମର ଟଙ୍କଧର ନାଏକ । ସୂଚନା ପ୍ରକାରେ, ଟଙ୍କଧର ହାତୀ ଘଉଡାଇବାକୁ ଯାଇଥିଲାବେଳେ ହଠାତ ହାତୀ ହାବୁଡରେ ପଡିଯାଇଥିଲେ, ହାତୀ ତାଙ୍କୁ ଧରି କଚାଡ଼ି ଦେବାରୁ ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା । ସୂଚନାଯୋଗ୍ୟ କି ମଙ୍ଗଳବାର ରାତିରେ ଟୁଣଟୁଣା ଜଙ୍ଗଲରେ ଥିବା ଏକ ଗୋଠ ଛଡ଼ା ଦନ୍ତାହାତୀ କାଟୁଳିକନା ଗ୍ରାମରେ ପ୍ରବେଶ କରିଥିଲା। ହାତୀଟି ବୁଧବାର ଦିନବେଳୁ ଗ୍ରାମ ର ଧାନ ବିଲରେ ଧାନ ଫସଲ ନଷ୍ଟ କରୁଥିବାରୁ ଗାଁର ଅନ୍ୟଲୋକଙ୍କ ସହିତ ଟଙ୍କଧର ହାତୀ ଘଉଡେଇବାକୁ ଯାଇ ହାତୀ ଆକ୍ରମଣର ଶିକାର ହୋଇଛନ୍ତି।ଚମ୍ପୁଆ ବନବିଭାଗ ଖବର ପାଇ ଘଟଣାସ୍ଥଳରେ ପହଞ୍ଚିଥିବା ସୂଚନା ମିଳିଛି l