ବିପ୍ଲବୀ ପରିକ୍ରମା ଡିଜିଟାଲ :- ପ୍ରଥମେ ସଲମାନ ଆଉ ଏବେ ଶାହରୁଖ । ବଲିଉଡ୍ର କିଙ୍ଗ ଖାନ୍ ଶାହରୁଖଙ୍କୁ ମିଳିଛି ହତ୍ୟା ଧମକ ।ଦେଶର ବଡ଼ ସୁପରଷ୍ଟାର୍ କିଙ୍ଗ ଖାନ୍ ଶାହରୁଖଙ୍କୁ ହତ୍ୟା ଧମକ । ବଲିଉଡ୍ଙ୍କୁ ଦୋହଲାଇ ଦେଇଛି ଏଭଳି ଚାଞ୍ଚଲ୍ୟକର ଘଟଣା । ମୁମ୍ବାଇ ପୋଲିସକୁ ଆସିଥିବା ଫୋନ୍ କଲରେ ଶାହରୁଖଙ୍କୁ ହତ୍ୟା କରିବାକୁ ଖୋଲାଖୋଲି ଧମକ ଦେଇଛି ଦୁବୃର୍ତ୍ତ । ସୂଚନା ପ୍ରକାରେ,ନଭେମ୍ବର ୫ ତାରିଖରେ ମୁମ୍ବାଇ ବାନ୍ଦ୍ରା ଥାନାକୁ ଆସିଥିଲା ଏକ ଫୋନ୍ କଲ୍ । ଯେଉଁଥିରେ ଅଭିଯୁକ୍ତ କହିଛି କି, ସେ ଶାହରୁଖ୍ ଖାନଙ୍କ ମୁମ୍ବାଇ ଘର ମନ୍ନତ ସମ୍ମୁଖରେ ଛିଡ଼ା ହୋଇଛି । ଯଦି, ୫୦ ଲକ୍ଷ ଟଙ୍କା ନ ମିଳେ ତାହେଲେ ସେ ଶାହରୁଖଙ୍କୁ ହତ୍ୟା କରିବ । ଏଇ ଫୋନ୍ କଲ୍ ରାୟପୁରରୁ ଆସିଥିବା ଜଣା ପଡ଼ିବା ପରେ ମୁମ୍ବାଇରୁ ରାୟପୁର ଯାଏଁ ଚାଲିଛି ତନାଘନା । ମୁମ୍ବାଇ ପୋଲିସ୍ ପାଖକୁ ଆସିଥିବା ଫୋନ୍ କଲରେ ଅଭିଯୁକ୍ତ ମାଗିଛି ୫୦ ଲକ୍ଷ ଟଙ୍କା । ହେଲେ ଏହାର ଚେର ଖୋଜି ରାୟପୁରରେ ପହଞ୍ଚିଥିବା ମୁମ୍ବାଇ ପୋଲିସ୍ ସାମ୍ନାରେ ଏବେ ନୂଆ ଚ୍ୟାଲେଞ୍ଜ ସୃଷ୍ଟି ହୋଇଛି । ଯେଉଁ ବ୍ୟକ୍ତିଙ୍କ ଫୋନରୁ ଏ ଧମକ ଦିଆଯାଇଥିଲା, ସେ ପୂର୍ବରୁ ଶାହରୁଙ୍କ ନାଁରେ ମାମଲା ରୁଜୁ କରିସାରିଛନ୍ତି ।