ପାରଳାଖେମୁଣ୍ଡି ( ବିପ୍ଲବୀ ପରିକ୍ରମା ଡିଜିଟାଲ ):- ପାରଳାଖେମୁଣ୍ଡି ମାରୁତି ନଗର, ମାଁ ମକାଟୋଟାମ୍ମା ମନ୍ଦିରର ପଛ ଭାଗର ଜୟ ଶ୍ରୀରାମ ସିମେଣ୍ଟ ଓ୍ବାର୍କ୍ସ ଫେକ୍ଟ୍ରୀରେ ଅଗ୍ନିକାଣ୍ଡ । ସମସ୍ତ ମେସିନ ସାମଗ୍ରୀରେ ଲାଗିଛି ନିଆଁ l ଲକ୍ଷାଧିକ ମୂଲ୍ୟର ସାମଗ୍ରୀ ପୋଡ଼ି ଯାଇଥିବା ବେଳେ ସର୍ଟ ସର୍କିଟ ଯୋଗୁଁ ଏଭଳି ଅଗ୍ନିକାଣ୍ଡ ଘଟିଥିବା ଅନୁମାନ କରାଯାଇଛି। ଅଗ୍ନିକାଣ୍ଡର ଏକ ଘଣ୍ଟା ପରେ ପହଞ୍ଚିଲା ଅଗ୍ନିଶମ ବିଭାଗର ଗାଡ଼ି। ସେତେବେଳକୁ ଫେକ୍ଟ୍ରୀର ସବୁ ମେସିନ ଓ ସାମଗ୍ରୀ ପୋଡ଼ି ଛାରଖାର। ଦୀର୍ଘ ସମୟ ପରେ ଅଗ୍ନିଶମ ବାହିନୀର କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିଥିଲେ।
ଫେକ୍ଟ୍ରୀରେ କାମ କରୁଥିବା ସମସ୍ତ କର୍ମଚାରୀ ମଧ୍ୟାହ୍ନ ଭୋଜନ ପାଇଁ ଯାଇଥିବା ସମୟରେ ଏଭଳି ଭୟଙ୍କର ଅଗ୍ନିକାଣ୍ଡ ଘଟିଥିବା କୁହାଯାଉଛି। ଫେକ୍ଟ୍ରୀରେ ଦୁଇଟି ପୋଷା କୁକୁର ଜୀବନ୍ତ ଦଗ୍ଧ ହୋଇଥିବା ବେଳେ ଅଗ୍ନିକାଣ୍ଡର ନିଆଁ ଏତେ ପ୍ରଖର ଥିଲା ଯେ, କୁକୁର ଦୁଇଟିକୁ ଉଦ୍ଧାର କରିବାକୁ କେହି ସକ୍ଷମ ହୋଇ ପାରିନଥିଲେ।