ଗଞ୍ଜାମ ( ବିପ୍ଲବୀ ପରିକ୍ରମା ଡିଜିଟାଲ ):- ଗଞ୍ଜାମ ଜିଲ୍ଲା ଖଣ୍ଡିଦେଉଳି ଅନ୍ତର୍ଗତ ସମେଇଗୁଡ଼ାରେ ଭାଇ ଭାଉଜ ହତ୍ୟା କାଣ୍ଡ ଘଟଣାର ୨୪ ଘଣ୍ଟା ନ ପୁରୁଣୁ ପୋଲିସ କୁ ମିଳିଛି ସଫଳତା l ହତ୍ୟାରେ ବ୍ୟବହୃତ ବଡ଼ ଖଣ୍ଡା, ବିଷ ବୋତଲ ଓ ଏକ ମୋଟର ସାଇକେଲ କୁ ଜବତ କରାଯାଇଛି l ଏନେଇ ଆସିକା ଥାନା ରେ ଉପଖଣ୍ଡ ପୋଲିସ ଆରକ୍ଷୀ ଅଧିକାରୀ ସଞ୍ଜୟ କୁମାର ମହାପାତ୍ର ସାମ୍ବାଦିକ ସମିଳନ୍ନିରେ ସୂଚନା ଦେଇଛନ୍ତି l ବୁଧବାର ସକାଳ ସମୟରେ ସମେଇଗୁଡ଼ା ଗ୍ରାମର ରାଜୁ ପାତ୍ର ଓ ତାଙ୍କ ସ୍ତ୍ରୀ ଚାଷ କାମ କରୁଥିବା ବେଳେ ପୂର୍ଵ ପ୍ରସ୍ତୁତି ପ୍ରକାରରେ ମୃତ ରାଜୁ ର ଭାଇ ଭୋବିନି ପାତ୍ର, ସ୍ତ୍ରୀ ରଂଜିତା ପାତ୍ର, ପୁଅ ପୁପୁନି ତିନିଜଣ ମିଶି ଏହି ହତ୍ୟା କାଣ୍ଡ ଘଟାଇଥିଲେ l ବିବାଦୀୟ ଜମି କୁ କେନ୍ଦ୍ର କରି ଏହି ହତ୍ୟା କାଣ୍ଡ ଘଟିଥିବା କୁହାଯାଉଛି l
ଘଟଣା ସ୍ଥଳରେ ରାଜୁର ମୃତ୍ୟୁ ହୋଇଥିବା ବେଳେ ପାଖରେ ଦେଖୁଥିବା ତାଙ୍କ ସ୍ତ୍ରୀ ଲକ୍ଷ୍ମୀ କୁଆଡେ ହତ୍ୟା ଘଟଣା ର ପ୍ରଘଟ କରିଦେବା ଭୟ ରେ ସମସ୍ତେ ମିଶି ମାଡ଼ ମାରି ତଳେ ପକାଇ କୀଟନାଶକ ଔଷଧ ପିଆଇ ଦେଇଥିଲେ l ଲକ୍ଷ୍ମୀ ଗୁରୁତର ହୋଇ ପଡ଼ିଥିବା ବେଳେ ପ୍ରଥମେ ଆସିକା ମେଡିକାଲ ଏବଂ ତାପରେ ବ୍ରହ୍ମପୁର ବଡ଼ ମେଡିକାଲରେ ମୃତ୍ୟୁ ହୋଇଥିଲା l ଫେରାର ଥିବା ମୃତ ର ପୁତୁରା ପାପୁନ କୁ ବଡ଼ଗଡ଼ ଥାନା ଇଲାକାର ଏକଲ ପୁର ଠାରୁ ଗିରଫ କରି ସମୁଦାୟ ତିନି ଜଣକୁ ଆଜି କୋର୍ଟ ଚାଲାଣ କରାଯାଇଅଛି l ପୋଲିସ ଏହି ଘଟଣା ସ୍ଥଳକୁ ଆସାମୀ ମାନଙ୍କୁ ନେଇ ସ୍କ୍ରିନ ରିକ୍ରିଏସନ କରାଯାଇଥିଲା l