ଗଞ୍ଜାମ ( ବିପ୍ଲବୀ ପରିକ୍ରମା ଡିଜିଟାଲ ):- ଗଞ୍ଜାମ ଜିଲ୍ଲା ପୋଲିସକୁ ମିଳିଛି ବଡ଼ ସଫଳତା । ଟୋଲ ଗେଟ୍ ରେ ଯାଞ୍ଚ୍ ବେଳେ ଖଲିକୋଟ ଥାନା ପୋଲିସ ଏକ କାର ରୁ ଜବତ କରିଛି ୮୮ କେଜି ରୂପା ଓ ନଗଦ ୫ ଲକ୍ଷ ଟଙ୍କା । ସୂଚନାଯୋଗ୍ୟ ଖଲିକୋଟ ଥାନା ପୋଲିସ ଗୁରା ପଲ୍ଲୀ ଗେଟ୍ ରେ ଯାନବାହାନ ଯାଞ୍ଚ୍ ବେଳେ ଏକ କାର ରୁ ମିଳିଥିଲା ୮୮ କେଜି ରୂପା, ଏହାସହିତ ଛୋଟିଆ ବ୍ୟାଗ୍ ଗୁଡିକରେ ନଗଦ ୫ ଲକ୍ଷ ଟଙ୍କା । ସଂପୃକ୍ତ ରୂପା ଏବଂ ଟଙ୍କା ସମ୍ପର୍କରେ ପଚାରିବା ପରେ କାରରେ ଥିବା ଦୁଇ ଜଣ କୌଣସି ସଠିକ୍ ସୂଚନା ପ୍ରଦାନ କରିନଥିଲେ । ପୋଲିସ ଏହି ମାମଲାରେ ଦୁଇ ଜଣକୁ ଅଟକ ରଖିବା ସହିତ ରୂପା ଓ ଟଙ୍କା ଜବତ କରି ତଦନ୍ତ ଜାରି ରଖିଛି।