ମହାରାଷ୍ଟ୍ର ( ବିପ୍ଲବୀ ପରିକ୍ରମା ଡିଜିଟାଲ ):- ମହାରାଷ୍ଟ୍ରରେ ହଟିଲା ମହା ସସପେନ୍ସ । ଦେବେନ୍ଦ୍ର ଫଡନାବିସ ହେବେ ମହାରାଷ୍ଟ୍ରର ଆଗାମୀ ମୁଖ୍ୟମନ୍ତ୍ରୀ । ନିର୍ବାଚନ ଫଳାଫଳ ଆସିବା ପରେ କିଏ ବସିବ ମୁଖ୍ୟମନ୍ତ୍ରୀ ଚୌକିରେ ତାହାକୁ ନେଇ ଚାଲିଥିଲା ଛକାପଞ୍ଝା । ଦୀର୍ଘ ଦିନର ସସପେନ୍ସରେ ଲାଗିଛି ବିରାମ । ତୃତୀୟ ଥର ପାଇଁ ମୁଖ୍ୟମନ୍ତ୍ରୀ ଭାବେ ଶପଥ ନେବେ ଦେବେନ୍ଦ୍ର ଫଡନାବିସ ।ଆଜି (ଗୁରୁବାର) ମହାରାଷ୍ଟ୍ରର ମୁଖ୍ୟମନ୍ତ୍ରୀ ଭାବେ ଶପଥ ନେବେ ଦେବେନ୍ଦ୍ର ଫଡନାବିସ । ନିର୍ବାଚନ ଫଳାଫଳରେ ମହାୟୁତି ମେଣ୍ଟର ଜବରଦସ୍ତ ଫଳାଫଳ ପରେ କିଏ ବସିବ ମୁଖ୍ୟମନ୍ତ୍ରୀ ଆସନରେ ତାକୁ ନେଇ ଜାରି ରହିଥିଲା ନାନା କଳ୍ପନାଜଳ୍ପନା । ଏକନାଥ ସିନ୍ଦେ ପୁଣି ବସିବେ ମୁଖ୍ୟମନ୍ତ୍ରୀ ଚୌକିରେ ନା ଦେବେନ୍ଦ୍ର ଫଡନାବିସ ହେବେ । ଏହାକୁ ନେଇ ଲଗାତାର ଗତ କିଛି ଦିନ ହେଲା ସସପେନ୍ସ ଲାଗି ରହିଥିଲା । ଶେଷରେ ଗତକାଲି(ବୁଧବାର) ଫଡନାବିସଙ୍କ ନାଁ ଘୋଷଣା ହୋଇଛି । ଆଜି ସେ ମୁଖ୍ୟମନ୍ତ୍ରୀ ଭାବେ ଶପଥ ନେବାକୁ ଯାଉଛନ୍ତି ।ଦେବେନ୍ଦ୍ର ଫଡନାବିସଙ୍କ ନାଁ ଘୋଷଣା ପରେ ଉତ୍ସାହିତ ବିଜେପି ଶିବିର । ଶପଥ ଗ୍ରହଣ ସମାରୋହଙ୍କ ବଡ଼ ଧରଣ କରିବାକୁ ପୂରା ପ୍ରସ୍ତୁତି କରାଯାଇଛି । ସାଉଥ ମୁମ୍ବାଇର ଆଜାଦ ମୈଦାନରେ ହେବ ଶପଥ ଗ୍ରହଣ ସମାରୋହ । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ପାଖାପାଖି ୨୦୦ ଭିଭିଆଇପି, ୪୦ ହଜାର କର୍ମୀ, ବହୁ କେନ୍ଦ୍ରମନ୍ତ୍ରୀ, ୧୯ ରାଜ୍ୟର ମୁଖ୍ୟମନ୍ତ୍ରୀ ଓ ଉପମୁଖ୍ୟମନ୍ତ୍ରୀ ପ୍ରମୁଖ ଯୋଗ ଦେବାର କାର୍ଯ୍ୟକ୍ରମ ରହିଛି ।