ବଡଗଡ଼ ( ବିପ୍ଲବୀ ପରିକ୍ରମା ଡିଜିଟାଲ ):- ଚାଷୀଙ୍କୁ ମିଳିଲା କେନ୍ଦ୍ର ସରକାର ଘୋଷଣା କରିଥିବା କ୍ୱିଣ୍ଟାଲ ପିଛା ସବସିଡି ୮ଶହ ଟଙ୍କା l ରବିବାର ଦିନ ବଡ଼ଗଡ଼ ର ସୋହେଲାରେ ଆୟୋଜିତ ରାଜ୍ୟ ସ୍ତରୀୟ ଚାଷୀଙ୍କ ସମାବେଶ ରେ ଏହି ଅର୍ଥ ରାଶି ଡ଼ିବିଟି ମାଧ୍ୟମରେ ଚାଷୀଙ୍କ ଆକାଉଣ୍ଟ କୁ ପଠାଇ ଦେଇଛନ୍ତି ମୁଖ୍ୟମନ୍ତ୍ରୀ ମୋହନ ଚରଣ ମାଝୀ l ରାଜ୍ୟର ଚାଷୀ ନିଜର ଅମଳ ଧାନ ବିକ୍ରୀକୁ ନେଇ ଅନେକ ସମସ୍ୟାର ସମ୍ମୁଖୀନ ହେଉଥିଲେ l ସେଥିମଧ୍ୟରୁ ଟୋକେନ ସମସ୍ୟା,ଉପଯୁକ୍ତ ଯନ୍ତ୍ରପାତିର ଅଭାବ ଯୋଗୁ ଚାଷୀଙ୍କ ଧାନ ବିକ୍ରି ହୋଇନପାରି ମଣ୍ଡି ରେ ପଡ଼ିରହୁଥିଲା l ଚାଷୀଙ୍କୁ ଏହି ଯନ୍ତ୍ରଣାରୁ ମୁକ୍ତ କରିବା ପାଇଁ ୨୦୧୫ରେ ତତ୍କାଳୀନ ବିଜେଡି ସରକାର ଚାଷୀଙ୍କୁ କ୍ୱିଣ୍ଟାଲ ପିଛା ୧୦୦ ଟଙ୍କା ସବସିଡି ଦେବା ପାଇଁ ଘୋଷଣା କରିଥିଲେ ମଧ୍ୟ ତାହା ବର୍ତ୍ତମାନ ସୁଦ୍ଧା ପ୍ରଦାନ କରିନଥିଲେ l ତେବେ ରାଜ୍ୟରେ ବିଜେପି ସରକାର ଆସିବା ପରେ ଚାଷୀଙ୍କ ପାଇଁ ଘୋଷଣା କରିଥିବା କ୍ୱିଣ୍ଟାଲ ପିଛା ୮ଶହ ଟଙ୍କା ସବସିଡି କୁ ରବିବାର ଦିନ ବଡ଼ଗଡ଼ ର ସୋହେଲା ରେ ଆୟୋଜିତ ଚାଷୀଙ୍କ ରାଜ୍ୟ ସ୍ତରୀୟ ସମ୍ମିଳନୀରେ ପ୍ରଦାନ କରିଛନ୍ତି l