ଘଟ ଗାଁ ( ବିପ୍ଲବୀ ପରିକ୍ରମା ଡିଜିଟାଲ ):- ଜଳି ଗଲା ଘଟଗାଁ ମାଁ ତାରିଣୀ ଙ୍କ ମନ୍ଦିର ନିକଟରେ ଥିବା ଭୋଗ ଦୋକାନ । ଗତକାଲି ବିଳମ୍ବିତ ରାତିରେ ଘଟିଛି ଏହି ଅଗ୍ନିକାଣ୍ଡ । ଅଗ୍ନିକାଣ୍ଡର କାରଣ ସ୍ପଷ୍ଟ ଜଣା ପଡ଼ିନାହିଁ । ସ୍ଥାନୀୟ ଅଗ୍ନିଶମ ବାହିନୀର କର୍ମଚାରୀ ଘଟଣାସ୍ଥଳରେ ପହଞ୍ଚି ନିଆଁ କୁ ଆୟତ କରିଥିଲେ । ଏହି ଅଗ୍ନିକାଣ୍ଡରେ ଲକ୍ଷାଧିକ ଟଙ୍କା ମୂଲ୍ୟର ସାମଗ୍ରୀ ନଷ୍ଟ ହୋଇଥିବା କହିଛି ଅଗ୍ନିଶମ ବିଭାଗ ।
ଏହି ଅଗ୍ନିକାଣ୍ଡ ମାଁ ତାରିଣୀ ମନ୍ଦିର ର ଦୁଇ ନମ୍ବର ଗେଟ ସମ୍ମୁଖରେ ଥିବା ଭୋଗ ଦୋକାନ ରେ ଲାଗିଥିଲା । ସୂଚନାଯୋଗ୍ୟ ଗତ କିଛି ଦିନ ତଳେ ସେହି ମନ୍ଦିରର ୩ନମ୍ବର ଗେଟ ସମ୍ମୁଖରେ ଥିବା ଭୋଗ ଦୋକାନ ରେ ହୋଇଥିଲା ଅଗ୍ନିକାଣ୍ଡ । ତେବେ ମାଁ ତାରିଣୀଙ୍କ ମନ୍ଦିର ନିକଟ ଏଭଳି ବାରମ୍ବାର ଅଗ୍ନିକାଣ୍ଡ ଘଟଣା ତଦନ୍ତ ପରିସଭୁକ୍ତ ନିଶ୍ଚୟ ।