ବ୍ରହ୍ମପୁର ( ବିପ୍ଲବୀ ପରିକ୍ରମା ଡିଜିଟାଲ ):- ସୁରଳ ରେଳ ଷ୍ଟେସନରେ ଟ୍ରେନରୁ ଖସି ୨ ପାଚିକା ସହାୟିକାଙ୍କ ମୃତ୍ୟୁ ଘଟିଛି। ମୃତ ଦୁଇ ମହିଳା ହେଲେ ପିତାତଳି ପଂଚାୟତ ଅନ୍ତର୍ଗତ ଜଗନ୍ନାଥପୁର ଗ୍ରାମର ଝୁନୁ ଗୌଡ଼ ଏବଂ ପାର୍ବତୀ ଗୌଡ଼ l ଜଗନ୍ନାଥପୁର ଗ୍ରାମର ଦୁଇ ଜଣ ମହିଳା ଭୁବନେଶ୍ୱର ପାଚିକା ସଙ୍ଘର ସଭାରେ ଯୋଗ ଦେବାକୁ ଯିବା ପାଇଁ ସୁରଳ ରେଳଷ୍ଟେସନରେ ଟ୍ରେନରେ ଚଢ଼ୁଥିବା ବେଳେ ଘଟିଛି ଏହି ଅଭାବନୀୟ ଘଟଣା । ଉଭୟ ଟ୍ରେନରେ ଚଢ଼ୁଥିବା ବେଳେ ଭାରସାମ୍ୟ ହରାଇ ତଳକୁ ଖସି ପଡ଼ିଥିଲେ। ଘଟଣାସ୍ଥଳରେ ହିଁ ଉଭୟଙ୍କର ମୃତ୍ୟୁ ଘଟିଥିଲା ଉଭୟ ମହିଳା ଜଗନ୍ନାଥପୁର ସ୍କୁଲର ପାଚିକା ସହାୟିକା ଭାବେ କାର୍ଯ୍ୟ କରୁଥୁଲେ। ଏ ନେଇ RPF ରେ ମାମଲା ରୁଜୁ ହେବା ସହ ମୃତଦେହକୁ ବ୍ୟବଛେଦ ପାଇଁ ଏମକେସିଜି ହସ୍ପିଟାଲକୁ ପଠାଯାଇଛି। ଏହି ଦୁଃଖଦ ଘଟଣା ସାରା ଚିକିଟି ବ୍ଲକରେ ଶୋକର ଛାୟା ଖେଳାଇଦେଇଛି।