ହାଇଦ୍ରାବାଦ ( ବିପ୍ଲବୀ ପରିକ୍ରମା ଡିଜିଟାଲ ):- ସୁପରଷ୍ଟାର ଅଲ୍ଲୁ ଅର୍ଜୁନଙ୍କ ବାସଭବନକୁ ଅଣ୍ଡା-ଟମାଟୋ ମାଡ । ରବିବାର ଅଲ୍ଲୁ ଅର୍ଜୁନଙ୍କ ହାଇଦ୍ରାବାଦ ଜୁବଲି ହିଲ ସ୍ଥିତ ବାସଭବନ ଘେରାଉ କରିଛନ୍ତି ବିକ୍ଷୋଭକାରୀ । ଦଳାଚକଟା ଘଟଣାରେ ପ୍ରାଣ ହରାଇଥିବା ମହିଳାଙ୍କ ପରିବାରକୁ ସହାୟତା ଦାବିରେ ଭଙ୍ଗାରୁଜା କରିଛନ୍ତି ବିକ୍ଷୋଭକାରୀ । ସୂଚନା ଅନୁସାରେ, ଓସମାନିଆ ବିଶ୍ବବିଦ୍ୟାଳୟର କେତେକ ଛାତ୍ର ଅଲ୍ଲୁ ଅର୍ଜୁନଙ୍କ ବାସଭବନ ଉପରକୁ ଟମାଟୋ ଫିଙ୍ଗିବା ସହ ବଗିଚାରେ ଥିବା ଫୁଲକୁଣ୍ଡ ଭଙ୍ଗାରୁଜା କରିଥିବା ଦେଖିବାକୁ ମିଳିଛି । ଓସମାନିଆ ୟୁନିଭର୍ସିଟି ଜଏଣ୍ଟ ଆକ୍ସନ କମିଟି (OUJAC)ର ଛାତ୍ରମାନେ ମୃତକଙ୍କ ପରିବାରକୁ ନ୍ୟାୟ ଦାବିରେ ଏଭଳି କରିଥିବା କହିଛନ୍ତି । ଏହାସହ ଅଭିନେତା ଅଲ୍ଲୁ ଅର୍ଜୁନଙ୍କ ବିରୋଧରେ ସେମାନେ ନାରାବାଜି କରିଥିବା ଦେଖିବାକୁ ମିଳିଛି ।