ବିପ୍ଲବୀ ପରିକ୍ରମା ଡିଜିଟାଲ :- କୁଏତ ଏମିର ଶେଖ ମିଶଲ ଅଲ- ଅହମ୍ମଦ ଅଲ-ଜାବର ଅଲ- ସବାହଙ୍କ ନିମନ୍ତ୍ରଣ ରକ୍ଷା କରି ୨ ଦିନିଆ କୁଏତ ଗସ୍ତରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ପ୍ରଥମ ଥର ପାଇଁ ଗଲ୍ଫ ଦେଶ ଗସ୍ତ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଶନିବାର ଦିନ ସେ କୁଏତରେ ପହଞ୍ଚିଥିବା ବେଳେ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେଇଥିଲେ । ଶନିବାର ଦିନ ସେ ଲେବର କ୍ୟାମ୍ପ ଯାଇ ପ୍ରବାସୀ ଭାରତୀୟମାନଙ୍କୁ ଭେଟିବା ସହ ଆଲୋଚନା କରିଛନ୍ତି । ଏହି ସମୟରେ ଓଡ଼ିଶା ଗଞ୍ଜାମ ଜିଲ୍ଲାର ଜଣେ ଓଡ଼ିଆ ପୁଅଙ୍କ ସହ କଥା ହୋଇଛନ୍ତି । ଜୟ ଜଗନ୍ନାଥ କହି ମୋଦି ତାଙ୍କ ସହ କଥା ହୋଇଥିଲେ । ଓଡ଼ିଶାର କେଉଁଠାରୁ ଆସିଛ ଓ ଏଠାରେ କଣ କାମ କରୁଛ ବୋଲି ପଚାରିଥିଲେ ମୋଦି । ଭାରତ ବିକାଶରେ ଆପଣମାନଙ୍କ ଯୋଗଦାନ ରହିଛି । ଆପଣମାନେ ଯେଉଁ ପଇସା ପରିବାରକୁ ପଠାଉଛନ୍ତି ସେ ଟଙ୍କା ଦେଶର ବିକାଶରେ ଲାଗୁଛି ବୋଲି କହିଥିଲେ ପ୍ରଧାନମନ୍ତ୍ରୀ । ଆଉ ମଧ୍ୟ ସେମାନଙ୍କୁ ଓଡ଼ିଶା ଆସି ପ୍ରବାସୀ ଭାରତୀୟ କାର୍ଯ୍ୟକ୍ରମରେ ସାମିଲ ହେବାକୁ ଆହ୍ୱାନ ଦେଇଛନ୍ତି ।