ପାରଳାଖେମୁଣ୍ଡି ( ବିପ୍ଲବୀ ପରିକ୍ରମା ଡିଜିଟାଲ ):- ପାରଳାଖେମୁଣ୍ଡି ବନ ବିଭାଗଦ୍ବାରା ବିପୁଳ ପରିମାଣର କାଠଗଣ୍ଡି ସହ ଅଟୋ ଜବତ ୨ ଗିରଫ । ସୁଚନା ପ୍ରକାରେ ସାତମାଇଲ ନିକଟରେ ବନ କର୍ମଚାରୀ ମାନେ ପେଟ୍ରୋଲିଂ କରୁଥିବା ସମୟରେ ରାୟଗଡ଼ା ପଟୁ ପାରଳାଖେମୁଣ୍ଡି ଆଡ଼କୁ ଆସୁଥିବା ଏକ ଡାଲା ଅଟୋରେ ୨୩ ଖଣ୍ଡ ଶାଗୁଆନ ଗଣ୍ଡି ଚାଲାଣ କରୁଥିବା ଦେଖି ଅଟୋକୁ ଅଟକାଇ ପଚାରା ଉଚରା କରିଥିଲେ , କିନ୍ତୁ ଅଟୋ ଚାଳକ କିମ୍ବା କାଠ ମାଲିକ ଆବଶ୍ୟକ ଦସ୍ତାବିଜ ଦେଖାଇ ପାରିନଥିଲେ ଫଳରେ ବନ କର୍ମଚାରୀ ମାନେ ଅଟୋ ସହ କାଠକୁ ଜବତ କରିବା ସହ ଚାଳକକୁ ଗିରଫ ରଖି ତଦନ୍ତ ଜାରି ରଖିଛି , ଜବତ କାଠର ଆନୁମାନିକ ମୁଲ୍ୟ ଏକ ଲକ୍ଷ ଟଙ୍କାରୁ ଉର୍ଦ୍ଧ୍ଵ ହେବ ବୋଲି ସୁଚନା ଦେଇଛନ୍ତି ପାରଳାଖେମୁଣ୍ଡି ରେଞ୍ଜର ବ୍ରହ୍ମାନନ୍ଦ ସାହୁ ।