ବିପ୍ଲବୀ ପରିକ୍ରମା ବ୍ୟୁରୋ :- ଚାରୋଟି ରାଜ୍ୟର ବିଧାନସଭା ନିର୍ବାଚନରେ ବିଜେପି ଚମତ୍କାର ପ୍ରଦର୍ଶନ କରିଛି। ତିନୋଟି ରାଜ୍ୟରେ ବିଜେପି ସଂଖ୍ୟା ଗରିଷ୍ଠତା ହାସଲ କରିବାରେ ସଫଳ ହୋଇଛି । ଦେଶର ବିଜେପି କର୍ମୀମାନେ ଦଳର ବିଜୟ ଉତ୍ସବ ପାଳନ କରୁଛନ୍ତି। ଆଜି ସଂସଦର ଶୀତ ଅଧିବେସନ ଆରମ୍ଭ ହୋଇଛି, ତେବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସଂସଦର ଶୀତକାଳୀନ ଅଧିବେଶନର ପ୍ରଥମ ଦିନ ସଂସଦ ଗୃହରେ ପହଞ୍ଚିଥିଲେ, ସେତେବେଳେ ତାଙ୍କୁ ମୋଦି- ମୋଦି ଏବଂ ଭାରତ ମାତା କି ଜୟଙ୍କ ସ୍ଲୋଗାନ ଦେଇ ଗୃହରେ ସ୍ୱାଗତ କରାଯାଇଥିଲା। ପ୍ରାୟ ତିନି ମିନିଟ୍ ଧରି କରତାଳି ଦେଇ ବିଜେପି ସାଂସଦମାନେ ପ୍ରଧାନମନ୍ତ୍ରୀ ମୋଦିଙ୍କୁ ଶୁଭେଚ୍ଛା ଜଣାଇଛନ୍ତି। ଏହି ସମୟ ମଧ୍ୟରେ ପିଏମ ମୋଦିଙ୍କ ପ୍ରତିକ୍ରିୟା ଦେଖିବାକୁ ଯୋଗ୍ୟ ଥିଲା। ମୋଦି ନିଜ ଆସନରେ ଚୁପଚାପ୍ ବସି ରହି ଧୀରେ ଧୀରେ ହସିବାକୁ ଲାଗିଲେ। ତିନୋଟି ରାଜ୍ୟରେ ବିଜୟ ପରେ ପିଏମ ମୋଦୀଙ୍କ ‘କ୍ୟାପଟେନ କୁଲ’ ଷ୍ଟାଇଲ ଅତ୍ୟନ୍ତ ଅନନ୍ୟ ଥିଲା। ତେବେ ମୋଦିଙ୍କ ପାଖରେ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ସାହା,ପରିବହନ ମନ୍ତ୍ରୀ ନିତିନ ଗଡ଼କରୀ ପ୍ରମୁଖ ଉପସ୍ଥିତ ଥିଲେ l