ବିପ୍ଲବୀ ପରିକ୍ରମା ବ୍ୟୁରୋ :– କ୍ରିକେଟ୍ ଜଗତରେ ନିଜର ଛାପ ଛାଡ଼ିଥିବା ଭାରତୀୟ କ୍ରିକେଟର ମହେନ୍ଦ୍ର ସିଂହ ଧୋନି ରାଜନୀତି କରିବେ । ସେ ରାଜନୈତିକ ଦଳରେ ସାମିଲ ହୋଇ ନିର୍ବାଚନୀ ପଡ଼ିଆରେ ବ୍ୟାଟିଂ କରିପାରନ୍ତି । ଏ ନେଇ ଏବେ ଚର୍ଚ୍ଚା ଜୋର୍ ଧରିଛି । ନିର୍ଦ୍ଦିଷ୍ଟ ଦଳର ନେତାଙ୍କ ସହ ଫଟୋ ଭାଇରାଲ ହେବା ପରେ ଏ ନେଇ ଚର୍ଚ୍ଚା ଆହୁରି ସରଗରମ ହୋଇଛି ।
କେଉଁ ଦଳରେ ସାମିଲ ହେବେ ଧୋନି ? ଟିମ୍ ଇଣ୍ଡିଆର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି କ୍ରିକେଟ୍ ପଡ଼ିଆରୁ ଦୂରରେ ଥାଇପାରନ୍ତି, କିନ୍ତୁ ସେ ଲୋକଙ୍କ ହୃଦୟରେ ନିଜର ସ୍ଥାନ ବଜାୟ ରଖିଛନ୍ତି । ଏପରିକି ସୋସିଆଲ ମିଡିଆରେ ତାଙ୍କର ଫଟୋ ମିଡିଆରେ ହେଡଲାଇନରେ ରହିଥାଏ । କିନ୍ତୁ ବର୍ତ୍ତମାନ ଏପରି ଏକ ଫଟୋ ଭାଇରାଲ ହୋଇଛି, ଯାହାକୁ ନେଇ ଅନେକ ଆକଳନ କରାଯାଉଛି ।ସୋସିଆଲ ମିଡ଼ିଆରେ ଭାଇରାଲ ହେଉଥିବା ଏକ ଫଟୋରେ ମହେନ୍ଦ୍ର ସିଂହ ଧୋନି ବିଜେପିର ବରିଷ୍ଠ ନେତାଙ୍କ ସହ ନଜର ଆସିଛନ୍ତି । ଏହା ପରେ ଧୋନୀ ରାଜନୀତିରେ ପ୍ରବେଶ କରିପାରନ୍ତି ବୋଲି ଆଲୋଚନା ଜୋର୍ ଧରିଛି ।ଧୋନି ରାଞ୍ଚି ବିମାନବନ୍ଦରରେ ବିଜେପି ନେତାଙ୍କୁ ଭେଟିଥିଲେ । ଯେଉଁ ନେତାଙ୍କ ସହ ମାହି ସାକ୍ଷାତକରିଥିଲେ ସେମାନେ ହେଲେ ପୂର୍ବତନ ରାଜ୍ୟ ବିଜେପି ସଭାପତି ଦୀପକ ପ୍ରକାଶ, ରାଞ୍ଚି ବିଧାୟକ ସିପି ସିଂ ଏବଂ କଙ୍କେ ବିଧାୟକ ସମରି ଲାଲ । ବିଜେପି ସୂତ୍ର କହୁଛି ଯେ ଏହି ସାକ୍ଷାତକାର କେବଳ ଏକ ସଂଯୋଗ ହୋଇଥିବାବେଳେ ଅନ୍ୟପଟେ ମିଡିଆ ରିପୋର୍ଟ ତଥା ସୋସିଆଲ ମିଡିଆରେ ଲୋକମାନେ କହୁଛନ୍ତି ଯେ ‘ମହେନ୍ଦ୍ର ସିଂହ ଧୋନି ବିଜେପିରେ ଯୋଗ ଦେଇ ପାରନ୍ତି । ଏହି ଫଟୋକୁ ନେଇ ଧୋନି ଏବଂ ବିଜେପି ନେତାଙ୍କ ଠାରୁ କୌଣସି ପ୍ରତିକ୍ରିୟା ପ୍ରକାଶ କରାଯାଇ ନାହିଁ, କିନ୍ତୁ ଏହାକୁ ନେଇ କଳ୍ପନା ଜଳ୍ପନାର ଜୋର୍ ଧରିଛି ।