କଟକ ( ବିପ୍ଲବୀ ପରିକ୍ରମା ):- କଟକ କନ୍ଦରପୁର କଲେଜରେ ଚାଲିଛି ରାଜ୍ଯ ସରକାରଙ୍କ ଯୁବ ଓଡିଶା ନବୀନ ଓଡ଼ିଶା କାର୍ଯ୍ୟକ୍ରମ । ଯୁବପିଢିଙ୍କ ଭିତରେ କିଭଳି କ୍ରୀଡା, କଳା, ଓ ଦକ୍ଷତା ର ଉତ୍ସାହ ବୃଦ୍ଧି ପାଇବ ତାହା ଏହି କାର୍ଯକ୍ରମର ମୂଳ ଲକ୍ଷ୍ୟ । ତେବେ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବରେ କଟକ ସଦର ବିଧାୟକ ଚନ୍ଦ୍ର ସାରଥି ବେହେରା ଯୋଗଦେଇ ଏହାକୁ ଉଦଘାଟନ କରିବା ସହ ଛାତ୍ରଛାତ୍ରୀମାନଙ୍କୁ ଉତ୍ସାହିତ କରିଥିଲେ । କିପରି ଯୁବପିଢ଼ି ମାନଙ୍କୁ ଏହି କାର୍ଯକ୍ରମ ମାଧ୍ୟମରେ ସଚେତନ କରାଇବା ସହ ଓଡ଼ିଶାରେ କ୍ରୀଡ଼ା ଓ ସଂସ୍କୃତିର ବିକାଶ ହେବ ସେ ନେଇ ମତବ୍ୟକ୍ତ କରିଥିଲେ । କେବଳ ସେତିକି ନୁହେଁ ରାଜ୍ୟ ସରକାରଙ୍କ ଏହି ପ୍ରୟାସ ଦ୍ଵାରା ନିହାତି ଭାବରେ ପାଠପଢ଼ା ବ୍ୟତୀତ ଛାତ୍ରଛାତ୍ରୀଙ୍କ ଭିତରେ କଳା, କ୍ରୀଡ଼ା ଓ ଦକ୍ଷତାର ବିକାଶ ହେବ ବୋଲି କହିଥିଲେ କଲେଜ୍ ର ଅଧ୍ୟକ୍ଷା ପ୍ରଣତି ପଟ୍ଟନାୟକ । ଏବଂ ଏହି କାର୍ଯ୍ୟକ୍ରମ କୁ ପରିଚାଳନା କରିଥିଲେ ରସାୟନ ବିଜ୍ଞାନ ବିଭାଗର ଅଧ୍ୟାପକ ଆଦିତ୍ୟ କୁମାର ସ୍ଵାଇଁ ।