ବିପ୍ଲବୀ ପରିକ୍ରମା ବ୍ୟୁରୋ :-ଆଜିଠୁ ଆରମ୍ଭ ହେଲା ରାଉରକେଲାରୁ କୋଲକାତାକୁ ବିମାନ ସେବା । କୋଲକାତାରେ ପହଂଚିବାକୁ ଲାଗିବ ମାତ୍ର ଦେଢ଼ ଘଣ୍ଟା ସମୟ । ରାଜ୍ୟ ସରକାରଙ୍କ ସହଯୋଗରେ ଆଜି ଅପରାହ୍ନ ସାଢେ ୩ଟାରେ ରାଉରକେଲାରୁ କୋଲକତାକୁ ବିମାନ ଚଳାଚଳ ଆରମ୍ଭ ହୋଇଛି। ଆଲାଏନ୍ସ ଏୟାର ବିମାନସେବା ଏହି ସେବା ଯୋଗାଇ ଦେଉଥିବାବେଳେ ସପ୍ତାହରେ ୩ ଦିନ ମଙ୍ଗଳବାର, ଗୁରୁବାର ଏବଂ ଶନିବାର ଏହି ବିମାନ ସେବା ଉପଲବ୍ଧ ହେବ । ରାଜ୍ୟ ସରକାର ଭାୟାବିଲିଟି ଗ୍ୟାପ ଫଣ୍ଡିଙ୍ଗ ଜରିଆରେ ଏହି ବିମାନ ସେବା ଯୋଗାଇ ଦେଉଥିବାବେଳେ ୩୫ଟି ଆସନ ପାଇଁ ଭିଜିଏଫ( VGF )ବ୍ୟବସ୍ଥା କରାଯାଇଛି । ରାଉରକେଲାରୁ କୋଲକାତା ପାଇଁ ପ୍ରାରମ୍ଭିକ ବିମାନ ଦେୟ ୧ ହଜାର ୯୯୯ ଟଙ୍କା ରହିଛି । ଏହାଦ୍ବାର ସହରର ବ୍ୟବସାୟୀ ଅଧିକ ଉପକୃତ ହେବେ ବୋଲି ପ୍ରକାଶ କରିଥିବାବେଳେ ଯାତ୍ରୀମାନେ ମାତ୍ର ୧ ଘଣ୍ଟା ୩୦ ମିନିଟରେ ରାଉରକେଲାରୁ କୋଲକତାରେ ପହଂଚିବା ନେଇ ବେଶ ଉତ୍ସୁକତା ଦେଖାଇଛନ୍ତି ।