ବିପ୍ଲବୀ ପରିକ୍ରମା ବ୍ୟୁରୋ :- କଟକ ଭୁବନେଶ୍ବର କମିଶନରେଟ ପୋଲିସର ୧୬ତମ ପ୍ରତିଷ୍ଠା ଦିବସ ପାଳିତ ହୋଇଛି । କଟକ ବକ୍ସିବଜାର ପୋଲିସ ମୁଖ୍ୟାଳୟ ପରିସରରେ ଥିବା ରିଜର୍ଭ ପଡିଆ ରେ ସ୍ବତନ୍ତ୍ର କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା । କମିଶନରେଟ୍ ପୋଲିସ ପକ୍ଷରୁ ଏକ ରୋଡ଼ ରନ୍ ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ମୂଖ୍ୟ ଅତିଥି ଭାବରେ କଟକ ମେୟର ସୁବାଷ ସିଂ, କଟକ-ବାରବାଟି ବିଧାୟକ ଇଂ ମହମ୍ମଦ ମୋକିମ୍, କଟକ ଜିଲ୍ଲାପାଳ ନରହରୀ ସେଠୀ, ଦ୍ଵେତ ନଗରୀ କମିଶରେଟ୍ ପୋଲିସ ର ଅତିରିକ୍ତ ପୋଲିସ କମିଶନର ବ୍ରିଜେଶ କୁମାର ରାୟ ଏବଂ ଓଡ଼ିଶା ସିନେ କଳାକାର ଶୁଭାଶିଷ ଶର୍ମା, ନିକିତା ମିଶ୍ର ପ୍ରମୁଖ ଯୋଗ ଦେଇଥିଲେ ।
ତେବେ ଏହି ରୋଡ ରନ୍ କଟକ ବକ୍ସି ବଜାର ସ୍ଥିତ ପୋଲିସ ରିଜର୍ବ ଗ୍ରାଉଣ୍ଡ ରୁ ଆରମ୍ଭ ହୋଇ କଟକ ବାଲିଯାତ୍ରା ପଡ଼ିଆ ଠାରେ ଥିବା କଟକ ଇନ୍ କଟକ ରେ ଶେଷ ହୋଇଥିଲା । ପରେ କଟକ ଇନ୍ କଟକ ପ୍ୟାଭିଲନ ଠାରେ ସାଂସ୍କୃତିକ କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଯେଉଁଥିରେ କଟକ UPD ର ସମସ୍ତ ଜୋନ୍ ଏସିପି ଥାନାର ଆଇଆଇସି ଓ ପୋଲିସ କର୍ମଚାରୀଙ୍କ ସହ ସ୍କୁଲ୍ କଲେଜ ଛାତ୍ର ଛାତ୍ରୀମାନଙ୍କୁ ନେଇ ଡିବେଟ୍ ପ୍ରତିଯୋଗିତା ସହ ସଂଗୀତ ପରିବେଷଣ କରାଯାଇଥିଲା।