ବିପ୍ଲବୀ ପରୀକ୍ରମା ବ୍ୟୁରୋ :- ଆଫ୍ରିକା ଟୁର ସାରି, ନିଜ ଭିଟାମାଟି କୁ ଫେରିଛନ୍ତି. ମାଲକାନଗିରି ପୁଅ ସତ୍ୟବୀର ସିଂ ରିଆର । ଓରାଫ ପପ୍ପୁ ଭାଇ। ସତ୍ୟବିର ସିଂ ଭାରତୀୟ କ୍ରିକେଟ ସିନିଆର କ୍ରିକେଟ ଦଳର, ଦକ୍ଷିଣ ଆଫ୍ରିକା ଟୁର ସମୟରେ ୨ଟି ଟେଷ୍ଟ ଏବଂ ଦିନିକିଆ ମ୍ୟାଚ ପାଇଁ ମ୍ୟାନେଜର ଭାବରେ ମନୋନୀତ ହୋଇଥିଲେ। ତେବେ ୨ଟି ଟେଷ୍ଟ ମ୍ୟାଚ ରେ ପ୍ରଥମ ମ୍ୟାଚଟି ଦକ୍ଷିଣ ଆଫ୍ରିକା ଜିତି ଥିବା ବେଳେ, ଦ୍ବିତୀୟ ମ୍ୟାଚ ଭାରତୀୟ କ୍ରିକେଟ ଦଳ ଐତିହାସିକ ବିଜୟୀ ହାସଲ କରିଥିଲେ। ଯାହାଫଳରେ ସିରିଜ୍ ଡ୍ର ରହିଥିଲା । ଦଳରେ ବିରାଟ କୋହଲି, ରୋହିତ ଶର୍ମା, ଲୋକେଶ ରାହୁଲ୍, ଭଳି ଷ୍ଟାର କ୍ରିକେଟର ସାମିଲ ରହିଥିଲେ । ତେବେ ସାଉଥ୍ ଆଫ୍ରିକା ଟୁର ପରେ ନିଜ ଜନ୍ମ ମାଟିକୁ ଫେରିଛନ୍ତି ଭାରତୀୟ ସିନିୟର୍ କ୍ରିକେଟ ଟିମ୍ ର ମ୍ୟାନେଜର ସତ୍ୟବିର ସିଂ। ତାଙ୍କର ଏଭଳି ସଫଳତା ପରେ ସେ ଆଜି ମାଲକାନଗିରି ପହଞ୍ଚିଛନ୍ତି। ତାଙ୍କର ସମର୍ଥକ, ସହିତ ବିଭିନ୍ନ ବିଦ୍ୟାଳୟରୁ ଯୁବ ଛାତ୍ରଛାତ୍ରୀ, ବୁଦ୍ଧିଜୀବୀ, ତାଙ୍କର ସାଙ୍ଗସାଥୀ ମାନେ ବିରାଟ ଶୋଭାଯାତ୍ରା କରି ଫୁଲମାଳ ଦେଇ ତାଙ୍କୁ ସ୍ବାଗତ କରିଛନ୍ତି। ଲୋକଙ୍କ ଭଲପାଇବା ଦେଖି ଭାବ ବିହ୍ୱଳ ହୋଇ ପଡ଼ିଥିଲେ ସତ୍ୟବୀର। ତାଙ୍କର ପ୍ରତ୍ୟେକଟି ମୂହୁର୍ତ୍ତର ଅନୁଭୂତି ଆମ ସହିତ ବଖାଣିଛନ୍ତି ।