ବାରିପଦା ( ବିପ୍ଲବୀ ପରିକ୍ରମା ):- ବାରିପଦା ମଧୁବନ ସ୍ଥିତ ଗ୍ୟାରେଜରେ ଭୟାବହ ଅଗ୍ନିକାଣ୍ଡ ଘଟି ଗୋଟିଏ ଟାୟାର ମରାମତି ଦୋକାନ ସମ୍ପୂର୍ଣ୍ଣ ପୋଡି ପାଉଁଶ ହୋଇଥିବା ବେଳେ ଅନ୍ୟ ଏକ ଟାୟାର ଦୋକାନରେ ଅଳ୍ପ କିଛି ଟାୟାର ପୋଡିଯାଇଛି।
ଅଗ୍ନିଶମ ବିଭାଗର ତତ୍ପରତା ପାଇଁ ବିପଦ ମୁହଁରୁ ବର୍ତ୍ତି ଯାଇଛି ଅନ୍ୟ ପାଖ ଦୋକାନ।
ସୂଚନାନୁସାରେ ରବିବାର ସକାଳ ପ୍ରାୟ ୬ଟା ସମୟରେ ଟାୟାର ମରାମତି ଦୋକାନରୁ ଘନ କଳା ଧୂଆଁ ଉଠିବାର ଦେଖି ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଖବର ଦେଇଥିଲେ।ଖବର ପାଇ ତୁରନ୍ତ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଥିଲା।ତେବେ ନିଆଁ କେମିତି ଲାଗିଲା ତାହାର କାରଣ ସ୍ପଷ୍ଟ ହୋଇନାହିଁ।