ବାରିପଦା ( ବିପ୍ଲବୀ ପରିକ୍ରମା ):- ସକାଳୁ ସକାଳୁ ବାରିପଦା ସହର ମଧ୍ୟରେ ଏକ ହାତୀ ପସିଯାଇଥିବା ଫଳରେ ସହରବାସୀଙ୍କ ମଧ୍ୟରେ ଭୟ ସୃଷ୍ଟି କରିଥିଲା । କାହିଁକିନା ସାମାନ୍ୟ ଅସାବଧାନତା ଦେଖାଇଲେ ପାଦତଳେ ଚାଲିଯିବ ଜୀବନ । ସହର ମଧ୍ୟରେ ଥିବା ପୁରାତନ MKC ହାଇସ୍କୁଲ ପାଚେରୀ ଭାଙ୍ଗି କେମ୍ପସ୍ ଭିତରକୁ ପସିଯାଇଥିଲା । ଘଟଣା ମୁତାବକ ଗୋଠଛଡା ହୋଇଥିବା ଏକ ହାତୀ ଗତକାଲି ବିଳମ୍ବିତ ରାତ୍ରିରେ ବାରିପଦା ସହର ମଧ୍ୟକୁ ପସିଆସି ସହରର ବିଭିନ୍ନ ସ୍ଥାନରେ ବୁଲାବୁଲି କରୁଥିବାର ଦେଖିଥିଲେ । ତେବେ ସକାଳୁ ସକାଳୁ ସହର ଭିତରକୁ ହାତୀ ପସିଯାଇ ସହରରେ ଚାଞ୍ଚଲ୍ୟ ସୃଷ୍ଟି କରିଛି । ଖବରପାଇ ବନବିଭାଗର କର୍ମଚାରୀ ଓ ବାରିପଦା ପୋଲିସ ଘଟଣାସ୍ଥଳରେ ପହଞ୍ଚି ହାତୀଟିକୁ ସହର ମଧ୍ୟରୁ ଘଉଡାଇବା ପାଇଁ ଚେଷ୍ଟା କରୁଥିଲେ I ତେବେ ଉଭୟ ବନବିଭାଗ ଏବଂ ପୋଲିସର ମିଳିତ ଉଦ୍ୟମରେ ବିନା କ୍ଷୟକ୍ଷତିରେ ସହର ବାହାରକୁ ହାତୀଟିକୁ ଘଉଡ଼ାଇବାରେ ସକ୍ଷମ ହୋଇଛନ୍ତି I