ବାରିପଦା ( ବିପ୍ଲବୀ ପରିକ୍ରମା ):- ପିଇବା ପାଣି ପାଇଁ ବାରିପଦା ସହର ଉପକଣ୍ଠ ଉଦଳା – ବାରିପଦାର ୧୮ନଂ ରାଜ୍ୟ ରାଜପଥର ପୋଡାଅସ୍ତିଆ ଠାରେ ସ୍ଥାନୀୟ ଗ୍ରାମବାସୀଙ୍କ ଦ୍ଵାରା ରାସ୍ତାରୋକ କରାଯାଇଛି । ଅଭିଯୋଗ ମୁତାବକ ପୋଡାଅସ୍ତିଆର ସ୍ଥାନୀୟ ଗ୍ରାମ ଗୁଡିକରେ ଏକ ହଜାରରୁ ଉର୍ଦ୍ଧ ଲୋକ ବସବାସ କରନ୍ତି । ପିଇବା ପାଣି ପାଇଁ କେବଳ ଗୋଟିଏ ନଳକୂପ ଥିବା ବେଳେ କିଛି ଦିନ ତଳେ ତାହା ମଧ୍ୟ ଖରାପ ହୋଇଯାଇଥିଲା । ଏନେଇ ସରପଞ୍ଚଙ୍କ ଠାରୁ ବ୍ଲକ ବିଡିଓଙ୍କୁ ଗୁହାରି କରିଥିଲେ ମଧ୍ୟ କୌଣସି ସୁଫଳ ମିଳିନଥିଲା । ତେବେ ଆଜି ସକାଳୁ ହାତରେ ଗରା ବାଲଟି ଧରି ରାସ୍ତା ରୋକ କରିଛନ୍ତି । ପାଣି ସମସ୍ୟା ତୁରନ୍ତ ସମାଧାନ କରାନଗଲେ ରାସ୍ତାରୋକ ଜାରୀ ରହିବ ବୋଲି ସ୍ଥାନୀୟ ବାସିନ୍ଦା ଅଭିଯୋଗ କରିଛନ୍ତି । ତେବେ ବର୍ତ୍ତମାନ ସୁଦ୍ଧା ଘଟଣା ସ୍ଥଳରେ ବିଭାଗୀୟ ଅଧିକାରୀ ପହଞ୍ଚି ନଥିବା ବେଳେ ବାରିପଦା ଟାଉନ ପୋଲିସ ଘଟଣା ସ୍ଥଳରେ ପହଞ୍ଚି ଥିବା ଜଣା ପଡିଛି । ରାସ୍ତା ଅବରୋଧ ଯୋଗୁଁ ବାରିପଦା – ଉଦଳା ଗମନା ଗମନ ବନ୍ଦ ରହିଛି I