ଗଜପତି ( ବିପ୍ଲବୀ ପରିକ୍ରମା ):- ଯାତ୍ରା ଧଉଳି ଗଣନାଟ୍ୟର ଏକ ଟ୍ରକ ବାଙ୍ଗିରିପୋଷି ଦ୍ୱାରଶୁଣି ଘାଟିରେ ଭାରସାମ୍ୟ ହରାଇ ଘାଟି ତଳକୁ ଓଲଟି ପଡିଛି।ଫଳରେ ୫ ଜଣଙ୍କ ମୃତ୍ୟୁ ହୋଇଥିବା ବେଳେ ଗାଡ଼ିରେ ଥିବା ଅନ୍ୟମାନେ ଗୁରୁତର ଆହତ ହୋଇଥିବା ଜଣାପଡିଛି।ତେବେ ଆହତ ମାନଙ୍କୁ ଦେଖିଲେ ମୃତ୍ୟୁ ସଂଖ୍ୟା ଆହୁରି ବଢିବ ବୋଲି ଜଣାପଡୁଛି।ସୂଚନାନୁସାରେ ବୁଧବାର ଧଉଳି ଗଣନାଟ୍ୟର ଏକ ମାଲବାହୀ ଟ୍ରକ ସକାଳ ପାଖାପାଖି ଏଗାର ଘଟିକା ସମୟରେ ମୟୂରଭଞ୍ଜ ଜିଲ୍ଲା ୪୯ ନମ୍ବର ଜାତୀୟ ରାଜପଥ ବାଙ୍ଗିରିପୋଷି ଦ୍ୱାରଶୁଣି ଘାଟି ଦେଇ ବିଶୋଇ ପଟୁ ବାରିପଦା ଅଭିମୁଖେ ଯାଉଥିବା ସମୟରେ ବ୍ରେକଫେଲ୍ ହୋଇଯାଇଥିଲା ଫଳରେ ଟ୍ରକଟି ୫୦ଫୁଟ୍ ତଳକୁ ଓଲଟି ପଡ଼ିଥିଲା।ଫଳରେ ଗାଡ଼ିରେ ବସିଥିବା ଯାତ୍ରା ପାର୍ଟିର କିଛି କର୍ମଚାରୀ ଗୁରୁତ୍ତର ଆହତ ହୋଇଥିବାବେଳେ ଘଟଣା ସ୍ଥଳରେ ୫ ଜଣଙ୍କ ମୃତୁ ହୋଇଥିବା ଜଣାପଡିଛି। ଘଟଣା ସ୍ଥଳରେ ବାଙ୍ଗିରିପୋଷି ପୋଲିସ ପହଂଚି ସମସ୍ତଙ୍କୁ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ବାଙ୍ଗିରିପୋଷି ଡାକ୍ତରଖାନାକୁ ପଠାଇ ସେଠାରେ ପ୍ରାଥମିକ ଚିକିତ୍ସାପରେ ଜିଲ୍ଲା ମୁଖ୍ୟ ଚିକିତ୍ସାଳୟ କୁ ସ୍ଥାନାନ୍ତରିତ କରିଥିବା ଜଣାପଡିଛି।ତେବେ ମୃତ୍ୟୁ ସଂଖ୍ୟା ଆହୁରି ବଢିବ ବୋଲି ଗୁରୁତ୍ତର ଆହତ ଦେଖିଲେ ଜଣାପଡ଼ୁଛି।