ଗଜପତି ( ବିପ୍ଲବୀ ପରିକ୍ରମା ):- ଗଜପତି ଜିଲ୍ଲା ଗୋଷାଣି ବ୍ଲକ ଗୁରାଣ୍ଡି ଥାନା ବଡକତୁରୁ ପଞ୍ଚାୟତ ଅନ୍ତର୍ଗତ ଛତ୍ରପୁର ଗ୍ରାମ ଠାରେ ଥିବା ଏକ ପୋଖରୀରେ ଜଣେ ଅବିବାହିତ ଯୁବତୀଙ୍କ ମୃତ୍ୟୁ ଘଟିଥିବାର ଜଣାପଡିଛି । ଘଟଣାରୁ ପ୍ରକାଶ ଯେ, ପି.ଆପ୍ପାରାଓଙ୍କ ଝିଅ ପି.ଶୁଶିଳା(୪୩) ମଧ୍ୟାହ୍ନ ସମୟରେ ସ୍ନାନ ନିମନ୍ତେ ଗ୍ରାମରେ ଥିବା ପୋଖରୀକୁ ଯାଇଥିଲେ । କୌଣସି କାରଣରୁ ସେ ସେଠାରେ ପୋଖୋରୀ ପାଣିରେ ବୁଡିଯାଇଥିଲେ । ଅପରାହ୍ନ ସମୟରେ ତାଙ୍କ ମରଶରୀର ଭାସିବାରୁ ଗ୍ରାମବାସୀ ଦେଖି ଗୁରାଣ୍ଡି ପୋଲିସକୁ ଖବର ଦେଇଥିଲେ । ଖବର ପାଇ ଗୁରାଣ୍ଡି ଥାନା ଅଧିକାରୀ ରବୀନ୍ଦ୍ର ପାତ୍ର ଏବଂ ତାଙ୍କ ଟିମ୍ ପହଞ୍ଚି ତଦନ୍ତ କରୁଥିବାର ଜଣାପଡିଛି । ଏନେଇ ଗୁରାଣ୍ଡି ଥାନାରେ ୦୧/୨୪ରେ ଏକ ଅପମୃତ୍ୟୁ ମାମଲା ରୁଜୁ କରାଯାଇ ସମସ୍ତ ଦିଗକୁ ନେଇ ପୋଲିସ ତଦନ୍ତ କରୁଥିବାର ସୂଚନା ପ୍ରଦାନ କରିଛି । ଯୁବତୀଙ୍କ ମରଶରୀରକୁ ଗୁରାଣ୍ଡି ପୋଲିସ ପୋଖୋରୀରୁ ଉଦ୍ଧାର କରି ଜବତ କରିବା ସହ ପାରଳାଖେମୁଣ୍ଡି ସ୍ଥିତ ଜିଲ୍ଲା ମୁଖ୍ୟ ଚିକିତ୍ସାଳୟକୁ ବ୍ୟବଚ୍ଛେଦ ନିମନ୍ତେ ପଠାଇଦେଇଥିବାର ଜଣାପଡିଛି । ସୂଚନା ଯୋଗ୍ୟ ଯେ, ମୃତ ଯୁବତୀଙ୍କୁ ଫିଟ୍ସ ବା ମୂର୍ଚ୍ଛା ରୋଗ ଥିଲା ଏବଂ ତାଙ୍କ ପରିବାର ଅତି ଗରୀବ ଶ୍ରେଣୀର ହୋଇଥିବା ଯୋଗୁଁ ତାଙ୍କ ବାପା ଓ ଭାଇ ଆନ୍ଧ୍ର ପ୍ରଦେଶର ରାଜମନ୍ଦ୍ରି ଠାରେ ଦାଦନ ଶ୍ରମିକ ଭାବେ କାମ କରୁଥିବାର ଗ୍ରାମବାସୀ କହିଛନ୍ତି ।