କାଶୀନଗର ( ବିପ୍ଲବୀ ପରିକ୍ରମା ):- କାଶୀନଗର ଥାନା ଅନ୍ତର୍ଗତ ଅଙ୍କରଡ଼ା ଗ୍ରାମ ନିକଟସ୍ଥ ରାଜ୍ୟ ମୁଖ୍ୟ ରାସ୍ତାରେ ଏକ ବାଇକ ଯୋଗେ ଦୁଇଜଣ ଯାଉଥିବା ବେଳେ ସାମ୍ନା ଦେଇ କୁକୁର ଆସିଯିବାରୁ ଭାରସାମ୍ୟ ହରାଇ ଦୁର୍ଘଟଣା ହୋଇଛି। ବାଇକ ଚାଳକ ଦୁର୍ଘଟଣାରେ ହିଁ ମୃତ୍ୟୁ ହୋଇଥିବା ବେଳେ ପଛରେ ବସିଥିବା ଯୁବତୀ ଜଣକ ଗୁରୁତର ଆହତ ହୋଇଥିବା ଜଣାପଡିଛି। ଘଟଣା ସ୍ଥଳରେ କାଶୀନଗର ଅଗ୍ନିଶମ ବିଭାଗ କର୍ମଚାରୀ ଓ ୧୦୮ ଆମ୍ବୁଲାନ୍ସ ପହଞ୍ଚି ଦୁର୍ଘଟଣା ଗସ୍ତ ଦୁଇ ଜଣଙ୍କୁ କାଶୀନଗର ଗୋଷ୍ଟି ସ୍ୱାସ୍ଥ୍ୟ କେନ୍ଦ୍ରରେ ଭର୍ତ୍ତି କରିଥଲେ। ଯୁବତୀ ଜଣକ ଗୁରୁତର ଆହତ ହୋଇଥିବା ବେଳେ ଅଧିକ ଚିକିତ୍ସା ପାଇଁ ପାରଳାଖେମୁଣ୍ଡି ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି। ମୃତ୍ୟୁ ବ୍ୟକ୍ତି ଜଣକ ହେଲେ ପୁଟାସିଂ ଥାନା ତେଲଗୁଡ ଗ୍ରାମର ଗ୍ରେଟସନ ଦଳବେହେରା ହୋଇଥିବା ବେଳେ ଯୁବତୀ ଜଣକ ହେଲେ ଗାରବନ୍ଦା ଥାନା ଅନ୍ତର୍ଗତ ଲୁମୁଡ଼ାସିଂ ଗ୍ରାମର ବୋଲି ଜଣାପଡିଛି। ଘଟଣା ସ୍ଥଳରେ କାଶୀନଗର ପୋଲିସ ପହଞ୍ଚି ଦୁର୍ଘଟଣା ଗସ୍ତ ବାଇକ ଜବତ କରିବା ସହ ତଦନ୍ତ ଜାରି କରିଥିବା ଥାନା ସବଇନ୍ସପେକ୍ଟର ମମତା ପଣ୍ଡା ସୂଚନା ଦେଇଛନ୍ତି।